ما مجبور احب انسان هو بعمره ما حبني

و ما مجبور اظل اشتاگ كلما لحظه فارگني

ليش انه افكر بي و هو بيه ما فكر

كلما حاولت انساه اعرف بروحي ما اگدر

و ادورله عذر ظليت و اگل الروحي يتندم

اليسحگ ع الورد معذور اذا ما يدري بيه ينشم

مامجبور احب انسان اصلا هو ما مهتم

مو معقولة اخلص اسنين عمري بحبه بس احلم

ليش ابقه اظل ما اشوف غيره واحد بعيني

و هو حتى خارج قوس بگلبه ما مخليني

بعد ما اريد اظل مشغول بواحد ما اجي اباله

بس گلبي اتوبه اشلون وهو يريد گتاله

ردت غيره احب و ارتاح لكن گلبي شيقنعه