سلَّم ورد النظر بعيون ذباحة
وارتاحت العين له من يوم ما سلم
إرتاح قلبي وأنا حسيت بالراحة
من قبل أرد السلام وقبل نتكلم
حيا الله اللي عتق قلبي من جراحه
لبيه يا رمش عينه كل ما سلهم
نفسي لقت فيك راحتها ومرتاحة
لو شلت من زود حبي لك ثقيل الهمّ
شَــــادِيٰ الألحــان
يا فرحة اللي شكى من قلة أفراحه
عطني من الحب جانب قبل ما تندم
ملامح الشوق عند الناس فضاحة
والصمت نار وكلام الناس ما يرحم
يا شمعة العمر يا ضيه ومصباحه
مليت صمت وهواجيس وظنون وهم
وبحر ،وعيون ،وسهر ونجوم سباحة
وإحساس يرجع ورا وإحساس يتقدم
شَــــادِيٰ الألحــان
الحب بيني وبينك هل مسباحه
والشوق موعد عيونك واللقاء ما تم
خسارة القلب في الدنيا من أرباحه
والشاطر اللي من الأيام يتعلم
القلب باب وقفل والعين مفتاحه
قدام عينك شعور الصمت يتكلم
همٍّ بعرض السماء يا طول مرواحه
وجرح بعطر الوفاء لكن بلون الدم
ومن حس بإحساس قلبي والعزاء باحة
عساه من جنة الرحمن ما يحرم
سلَّم ورد النظر بعيون ذباحة
وارتاحت العين له من يوم ما سلمّ
