آخ اخذني لدنية عيونك

هاي الدنيا مو حلوة

وطشرني بتفاصيلك

حسسني العمر يسوى

آخ اريد بليلي اكشخ بيك

وأشر عالكَمر مالي

واكل للناس محبوبي

هذا ال بالسما يلالي

آخ عطر خليني بهدومك

طشني لحضرتك فدوه

انت أول شمس عالكاع

خلتني أعشك وأهوى

آخ حلم حققتك بتعبي

وابد مو سهل بس جبتك

سويتك نبض قلبي

وتصعد بالنفس عفتك

بحبك عمري صار أحلى

ومعنى صار لأيامي

من شفتك وكل الخير

ربك جابه كدامي

آخ اخذني لعالم احساسك

عيشني بدفو احضانك

احبك من تكلي انته

شكر يطلع من لسانك

آخ واصل مرحله بحبك

صاير تمشي ويّا الدم

حروف اسمك اشم بيها

شايفلك اسم ينشم

آخ مصدر طاقتي عيونك

وحبك صار دستوري

عطر شعرك ال جنه الليل

فدوه يروحله الجوري

آخ صعبه الدنيا بغيابك

ما تنعاش من دونك

واني شعندي بالدنيا

الله وامي وعيونك

تسوى اتعبلك واصبر

حلمي ولازم اوصلك

لو دولة انته اتمنى

اقاتل راح واحتلك