Ali(A.S) Ke Sath Hai Zahra(S.A) Ki Shadi.

Sabhi Khush Hain Khudai Bhi Khuda Bhi.

Larka Hai Khuda Ke Ghar Ka Larki Hai Nabi(SAWW) Ke Ghar Ki.

Wo Arz-o-Sama Ka Malik Yeh Malka Behar-o-Bar Ki.

Zameen Raqsa Hai Raqsa Asmaan Bhi.

Haider(A.S) Hain Kul-e-Emaan Our Kul-e-Ismat Zahra(S.A).

Oss Sar Pe Wafa Ka Sehrah Iss Sar Pe Haya Ka Sehrah.

Woh Shehzadah Hai Our Yeh Shehzadi.

Khaiti Ne Bichaya Sabzah Soraj Ne Ujalay Bantay.

Khud Dast-e-Khuda Ne Sab Ke Aanchal Peh Sitarey Tankay.

Hoi Rangeen Jo Thi Tasveer Saadi.

Bola Yeh Khuda Har Janib Rehmat Ki Ghata Barse Gi.

Jo Bugz Se Banjar Ho Gi Bas Woh Hi Zameen Tarsay Gi.

Utho Jibrail(A.S) Yeh Kar Do Manadi.

Dunya Ne Sanwara Khud Ko Andaz Nay Apnaye.

Tehzeeb Ne Zewar Badlay Malboos Nay Silwaye.

Mehak Uthi Nasab Ki Paak Wadi.

Dulha Ke Roap Mein Piyare Ali(A.S) Ibn-e-Abi Talib(A.S) Hain.

Tha Baap Bhi Sab Pe Ghalib Yeh Bhi Kul-e-Ghalib Hain.

Yeh Damaad-e-Nabi(SAWW) Hain Our Woh Samdhi.

Baraat Chali Haider(A.S) Ki Rehmat Ke Saye Saye.

Baraat Ke Agay Agay Quran Qasiday Gaye.

Nabi(A.S) Sare Chaley Ban Kar Barati.

Tohfay Mein Milay May Kaisay Inhein Kausar Our Janat Ko.

Yeh Sara Namak Our Pani Haq Mehar Mila Zahra(S.A) Ko.

Salami Mein Mili Marzi Khuda Ki.

Qudrat Ki Taraf Se In Ko Abhi Tohfay Our Milein Gay.

Kal Inn Ke Haseen Angan Mein Wo Asli Phool Khilein Gay.

Haseen Shajray Jinhein Dein Gay Salami.

Ab Chahay Koi Bharke Ab Chahay Koi Tarpay.

Ab Meri Bala Se Chahay Mar Jaye Koi Jal Jal Kar.

Khushi Ki Baat Thi Main Ne Suna Di.

Kaise Ho Biyaan Wo Manzar Jab Khatam Hoin Sab Rasmein.

Qonain Ki Har Shay "GOHAR" Kehti Thi Kha Kar Qasmein.

Mubarak Hai Mubarak Hai Yeh Shadi.