انتي مشيتي و بكيت الورده
باب الهنا ضيّعتي مفتاحو
الّا حنيني ما بقا عندي
كمشة امل ع غيبتك راحو
عصفور عندي بالقفص بردان
معوّد عليكِ و كترت جراحو
مرقو صابيعك بوّسو القضبان
طق السّجين و كتّف جناحو
للبعد قلبي ما حسب .. و بكيت قدامك عتب
ما شفت بعيونك سبب .. عن جد يبعدني
و الدمع بعيوني وعي .. حسيت رح قول ارجعي
غصّيت ما طلعت معي .. يا رب ساعدني
ممنون صوتي اللي انجرح
ردك الي و قلبي انفتح
مديت ايدي للصلح
و بقيت ماددها
حدي وقفتي ملبكي
حسيت ع شفافك حكي
عم يختنق تحت البكي
يا رب ساعدها
