number one نمبر وان
سنين وانتوا بتحاربوني
عمركوا في حالي ما سبتوني
وكان نفسكوا تهدوني ولا اتهديت
وياما كتير اذيتوني
وداريت دمعي جوه عيوني
وقولتلكم هتشوفوني واديني بقيت
سلمت لربنا أمري ومسكت في حلم عمري
وفضلت اعافر واجري واخبط على كل باب
مستسلمتش ليأسي تعبت وكملت نقصي
وهنت ومرمطت نفسي وسفيت التراب
وأديني واقف قصادكم ونجاحي حارق قلوبكم
وبقيت حاجه غصب عنكم شكلكوا دلوقتي ايه
علي كل حال بشكركم لولا غلكم وسوادكم
مكنتش حققت حلمي ووصلت للي انا فيه
عليا زمان ضحكتم واتريقتم وقولتم
عمري ما هوصل وهنتوا طموحي وشككتوا فيه
حلفت ساعتها لحسركم علي نفسكوا واعرفكم
مين اللي قللتوا منه واستهزءتوا بيه
وقفتوا كتير في طريقي وفرحتوا في همي وضيقي
وإتخلي عني صديقي ولا اتهزيت
مقعدتش وحطيت إيدي على خدي ولومت نصيبي
وقولتلكوا بكره هيجي يومي واديني جيت
و رغم أن الكل باعني ودا اكتر شيء وجعني
قولت لنفسي وايه يعني دا مش وقت الحساب
مفيش حد هيرجعني خطوه لورى ويمنعني
عن حلمي مهما خدعني كل الناس والصحاب
number one نمبر وان
