لي حول شهرين والضيقة هي الضيقة
والخاطر اللي أخبره سمح متكدر
من واقع عشت فيه وصعب تصديقه
ما يجعل الضيق يأتي عجل ومبدر
أحياناً لخاطرك تحتاج ترويقة
لو ما تمنيت معها شاهي مخدر
تحتاج غروٍ تذوق الشهد من ريقه
غروٍ تورد معه بالشوق وتصدر
محبةٍ صادقة ما هي بتلفيقة
متبادلة والمشاعر تعتبر ندر
والحلم لا صار ما تسعى لتحقيقه
وتحققه وإنت متفوق ومتصدر
وتحققه وإنت متفوق ومتصدر
بعض المحبة لبعض الناس توهيقه
جلمود جا من علو الجال متحدر
يا رهيّف القلب حزني منك ما أطيقه
على المواصل طلبتك يا الغلا بدّر
والطف بجسمٍ نحل وأمراضه تعيقه
ما هو بحاجة علاج وإبرة مخدر
علاجه أنت ودواء القلب ومعاليقه
وتعالج الخاطر اللي كان متكدر
لو يكتب الوقت حظي معك توفيقه
كان اعتزلت البشر لعيونك الخدر
كان اعتزلت البشر لعيونك الخدر
