14 No. Beyakkel (১৪ নং বেয়াক্কেল)
আসল আর নকল যারা বুঝেনা পাগল,
মর্মকথা বউ রে যে কয় আস্তা বেয়াক্কল....
আসল আর নকল যারা বুঝেনা পাগল,
মর্মকথা বউ রে যে কয় আস্ত বেয়াক্কল...
বেক্কল নাম্বার ১, যারা রাস্তায় করে ফেক...
কিতা বুঝে ব্যাঙের কুড়ি, নাম লাগাইছে শেখ।
দুই নাম্বার বেয়াক্কেলে পালে ভাই ছাগল,
মর্মকথা বউ রে যে কয় আস্তা বেয়াক্কল....
বেয়াক্কল নাম্বার তিন, চাইরো করে ভাই রিন...
বেশি বেশি মাত মাতে আফতা কাইলা বিন...
অরে দাদার আমলের জায়গা জমি কুয়াইছে সকল,
মর্মকথা বউ রে যে কয় আস্তা বেয়াক্কল....
বেয়াক্কল নাম্বার চাইর, ইকে করে পরার মাইর,
পরদাকে কুবাইয়া মুতে নষ্ট করে ধাইর....
অরে বড় হইছে বুঝেনা, নিকে তিতো আক্কল.....
মর্মকথা বউ রে কয় আস্তা বেয়াক্কল....
বেক্কল নাম্বার ৫ যারা উদো লাগায় গাছ....
বাজার থাকে পয়সা দিয়া কিনে পছা মাছ,
কাঠাল গাছের গুরিত নিয়া ঢালে গরম জল...
মর্ম কথা বউ রে যে কয় আস্তা বেয়াক্কল।
বেক্কল নাম্বার ৬, যারা শশুর বাড়িত রয়...
৪ টা পয়সার দাম পায়না বউয়ে কথা কয়।
চাকরের মত কাম করে ইদুর নিয়া কল।
মর্মকথা বউ রে যে কয় আস্তা বেয়াক্কল।
বেক্কল নাম্বার ৭, ইতে মাতে পরার মাত...
রাস্তা ঘাটে হাট বাজারে খায় মানুষের লাত...
অরে আন্তাজে এক মাছি খানো মারে দেয় মিসকল,
মর্ম কথা বউরে যে কয় আস্ত বেয়াক্কল....
বেক্কল নাম্বার ৮, ইগো আসলে বেবাট...
উন্দা বড়ি বউরে মারে পিটত ভাঙে কাট।
বড় বড় মাত মাতে হুনরে ভাই ফয়সল...
মর্ম কথা বউরে যে কয় আস্তা বেয়াক্কল।
বেক্কল নাম্বার ৯, ইকে পরার ভার ময়...
সব সময় চুরির মাল কম পয়সাদি লয়...
অরে দুই আঙুলে কাম করে জানে ভাই কৌশল,
মর্মকথা বউ রে যে কয় আস্ত বেয়াক্কল।
বেক্কল নাম্বার ১০, ইকে লঙি পরে হস...
আস্তা দিন পান চাবায় বাইয়া পরে রস...
অরে ইবাই থাকি হেবাই যাই মন থাকে চঞ্চল।
মর্ম কথা বউ রে যে কয় আস্তা বেয়াক্কল।
ঢংয়ের কথা নয়, ভাই বুঝিও বিষয়,
১১ নাম্বার বেয়াক্কলে ভাঙা গাড়ি লয়।
অরে দিনে দিনে আস্তে আস্তে হয় রসাতল,
মর্ম কথা বউ রে যে কয় আস্তা বেয়াক্কল।
মানুষ ভালা নায়, যারা পরের কিচ্চা গায়,
১২ নাম্বার বেয়াক্কেলে চলে বউর কথায়...
ডেলি ডেলি বিচার করেন সমির ভাই আকমল,
মর্ম কথা বউ রে যে কয় আস্তা বেয়াক্কল।
ভারাটিয়া যায়, আবার গুন্ডামী দেখায়,
১৩ নাম্বার বেয়াক্কলে লাভে পিডা খায়....
অরে চিয়া লইয়া মারে যায়গি বুঝে না কৌশল,
মর্ম কথা বউ রে যে কয় আস্তা বেয়াক্কল।
ঘরো বউ থুইয়া, বাবার জমি বেচিয়া,
১৪ নাম্বার বেয়াক্কেলে করে দুই বিয়া।
অরে আয়ু থাকতে মারা যায় জুয়ান থাকতে দুর্বল,
মর্ম কথা বউ রে যে কয় আস্তা বেয়াক্কল।
শোন গো প্রানো সই এখন আমার কথা কই
জোয়ান কালে কাঁচা পাকনায় দিলাম কত মই
ইয়ো ইয়ো গ্রুপে নিহাঁস বলে আমার নাই কোন সম্বল
মর্ম কথা বউ রে যে কয় আস্তা বেয়াক্কল।
