.. يامل قلب يسج ..

يامل قلب يسج وفيه دولاجه

من هاجس بالضماير قام يدرجها

في معزل عن جميع الخلق وازعاجه

ما اسمع من الناس لوتكثر لجالجها

.. نجمng..

ماغير اهوجس تقول مضيع حاجه

آخذ واسند على روحي واهرجها

وادوج لوكان مارجلي بدواجه

ادلّه النفس لين الله يفرجها

.. نجمng..

يالله يالي بيدك الضيق وافراجه

ياخالق الخلق ياقاضي حوايجها

تفرج لعين الذي أغفت بسوهاجه

تجهز عليها الطواري لين تزعجها

.. نجمng..

نوب سهرها شديد ونوب نهاجه

ومر تكن الدموع ومر تزعجها

عليك ياللي بقلبي كن وهاجه

وهاج نار هوى الغربي يسارجها

.. نجمng..

ابو ثمان تشاد اللولو لعاجه

كن البرد يوم يضحك في مفالجها

ياروح روحي وجرح القلب واعلاجه

الطف بحالً عليك الهم ساهجها

.. نجمng..

قلبي يناجيك بسلوب الهوى .. ناجه

يشكي لك الحال داخلها وخارجها

اما التفت لي وتم الوصل بمواجه

والا بلا عشرة هذي نتايجها

.. توزيع نجمng..

ID 62012045481