ويلي من الغربة يابا ويلي
ويلي ويلي ويلي ويلي ويلي ويلي ويل
بعد سنين في الغربة شافوني
قالولي جايب ايه من بره
قولت ياريتهم لو سألوني
انا في الغربة بكيت كام مره
جبت حاجات من اللي يحبوها
جبت فلوس وياريت ياخدوها
ويردولي شباب ضاع مني
وسنين مت وهما عاشوها
على ايه بس يا ناس حاسدني
واشقى مافيكم اسعد مني
انتم عشتم احلى سنينكم
وانا في الغربة ماعشتش سني
انا الكبير قبل اواني
وبختي للغربة رماني
خدوا مني كل اللي جمعته
وارجع صغير من تاني
انا راح عمري الم ودموع
انا قضيتها سفر ورجوع
وان فكرت اضحك من قلبي
قلب الغربه يقول ممنوع
اتحملت يا ناس فوق طاقتي
واتغربت في عز برأتي
كتبوا لكل الناس عنوانها
وانا كتبولي غريب في بطاقتي
تمن الغربه دفعته بدمي
بسنين فيها بعيد عن امي
واما نويت ارجع علشانها
رحلت لجل تزود همي
مين في الغربه يا ناس مبسوط
مين على راحته ومش مضغوط
مين اتحدى يقول مش خايف
انه بعيد عن بلده يموت
يلي بتسعى عشان تتغرب
خدها نصيحة و اوعى تجرب
كلها بدقه في بلدك واوعى
من مشاوير الغربه تقرب
