जय जय भैरवि असुर भयाउनि
पशुपति भामिनि माया ।
सहज सुमति बर दिय हे गोसाउनि
अनुगति गति तुअ पाया ।।
जय जय भैरवि असुर भयाउनि...
बासर रैनि सवासन शोभित
बासर रैनि सवासन शोभित
चरण चन्द्रमणि चूडा ।
कतओक दैत्य मारि मुँह मेललि
कतओ उगिलि करु कूडा ।।
जय जय भैरवि असुर भयाउनि...
सामर वरण नयन अनुरंजित
AA..AA..AA..
सामर वरण नयन अनुरंजित
जलद जोग फुलकोका ।
कट–कट विकट ओठ पुट पाँडरि
लिधुर फेल उठ फोका ।।
जय जय भैरवि असुर भयाउनि...
घन–घन–घनन घुघुरु कत बाजए
घन–घन–घनन घुघुरु कत बाजए
हन–हन कर तुअ काता ।
विद्यापति कवि तुअ पद सेवक
पुत्र विसरु जनु माता ।।
जय जय भैरवि असुर भयाउनि
पशुपति भामिनि माया ।
सहज सुमति बर दिय हे गोसाउनि
अनुगति गति तुअ पाया ।।
जय जय भैरवि असुर भयाउनि.....
