पहाड़ी मैना परिवार की भेंट चैत्र नवरात्र पर्व की हार्दिक शुभकामनाएं
(महेन्द्र नाग , रानी चौहान)
मया पिरीत डोरि म दाई मोला बांध ले.... 2
तोर चरण सेउक बना के राख ले ...2
तोर सेवा बजावत रइहूं ...मोर जिनगी पहावत रइहूं ..२ !
पंछी जोनी म मोला बना देबे कोयली ओ _बना दबे कोयली ,
मैया मैया रटत रइहूं मीठ मीठ बोली ओ मीठ मीठ बोली !
जंतु जोनी म देबे लंगुरे जनम ओ.. तोर सेवा होही मोर बर परम धरम ओ .. परम धरम ओ
, दसों अंगुलिया के विनती हे दाई मोरो मान ले ..2.
तोर चरण म सेउक बना के राख ले ..2
तोर सेवा बजावत रइहूं मोर जिनगी पहावत रइहूं ...२ ..
पशु जोनी म देबे मोला रुप बघवा के .. मोला रूप बघवा के
बैरी मन संग लड़त रइहूं मैं ह दाई अघवा के ..मैं ह दाई अघवा के ,,
फूलवा म मोला दाई मोंगरा फूल बनाबे ओ ..
,बेनी म तोर गांथ के गजरा लगाबे ओ.. गजरा लगाबे ओ
भाव भक्ति के रंग म दाई मोला शान ले २
तोर चरण म सेवक बना के रख ले 2
तोर सेवा बजावत रइहूं मोर जिनगी पहावत रइहूं..2
तोर परसादे पाएव मानुष तन चोला ओ .. मानुष तन चोला
,ए मोर जिनगानी दाई अर्पण हे तोला ओ.. अर्पण हे तोला ..
भगत के गोहार सुनथे सदा भगवान ओ महूं तोर भगत अव दाई मोला पहिचान ओ .. मोला पहिचान ओ ..
गिरे चरण म कोशरिया दाई मोला थाम ले ..2
. तोर चरण म सेउक बना के राख ले ...2
तोर सेवा बजावत रइहूं तोर पंउरी दबावत रइहूं .....४ मोर जिनगी पहावत रइहूं ..
..?️? माता रानी सबका कल्याण करें ?
