മഹറിൽ നിൻ മനം കോർത്ത്

കൊതിയായ് മാറിൽ ചാർത്തീട്ട്

കയ്യിൽ നിൻകരം ചേർത്തന്നു

ചൊന്നെൻ ജീവനാണെന്ന്

നിലക്കാ സ്നേഹവും തന്ന്

നിഴലായ് കൂട്ടിനായ് നിന്ന്

എനിക്കായ് രാവുറങ്ങാൻ

മാറിൻ ചൂടേകും നിലാതാരം

കളിയായ് ഞാൻ പിണങ്ങുമ്പോൾ

മൗനം പൂണ്ടിരിക്കുമ്പോൾ

കവിളിൽ വന്ന് മുത്തം തന്ന്

കൊഞ്ചും കുഞ്ഞുമനസ്സാണെ..

നെഞ്ചിൽ നിൻ മുഖം ചേർത്ത്

കനവിൻ കൂടു കൂട്ടീട്ട്...

കയ്യിൽ എൻ കരം ചേർത്തന്നു

ചൊന്നെൻ ജീവനാണെന്ന്...

അറിയുന്നത് മുതലേ ഖൽബിലെ ഹാജത്തിവളല്ലേ

അഹദോനെൻ മോഹമറിഞ്ഞ് തന്നൊരു നിധിയല്ലേ

ഇതുവരേയാരും പകരാത്തൊരു സ്നേഹം പകരുമ്പോൾ

ഇടനെഞ്ചിൽ ആനന്ദത്തിൻ അറബന മുട്ടല്ലേ..

അരികെ വരാൻ വൈകുന്നേരം

അകതാരിൽ തീക്കനലാണേ...

മണിയറയിലെ കുസൃതികളെല്ലാം

മനസ്സിനൊരു സാന്ത്വനമാണേ...

എൻ നിറമിഴി കണ്ടാലവനൊരു പൂപ്പൈതൽ പോലെ...

എൻ മാറിൽ ചേർന്ന് മയങ്ങണ കാണാൻ രസമാണേ....

നെഞ്ചിൽ നിൻ മുഖം ചേർത്ത്

കനവിൻ കൂടു കൂട്ടീട്ട്...

കയ്യിൽ എൻ കരം ചേർത്തന്നു

ചൊന്നെൻ ജീവനാണെന്ന്...