فيلم البيضة والحجر
تنزيل
shady_star23
اهداء للمبدعين في ستار ميكر
الجارة : سالخير يا مولانا
مستطاع: مساء الخير
الجارة : والنبي عايزة اتكلم معاك كلمتين (اتفضلي)
يااااه كل دي كتب
مستطاع: اه ماهو انا اصل بحضر رسالة
الجارة: لا والنبييييي لاه والنبيييييي بلاش نحضر وانا موجودة
تف تف انا جتتي مش خالصة الهي يسترك
مستطاع: ما تخافيش انا بحضر رسالة دكتوراة
الجارة : هة د د دكتوراة ؟ وناوي تبقي دكتور في اية ان شاء الله
مستطاع : دكتور في الفلسفة ...عارفة يعني اية فلسفة ؟
الجارة : هة ...طبعا عارفة ..لاهو انت فاكرني جاهلة ولا اية ؟
دانا ساقطة خامسة ابتدائي تلات مرات
مستطاع : برافو يعني كان فاضلك ساقطة كمان وتاخدي الابتدائية
الجارة : ههههههه دمك شربات يا مولانا
مستطاع : دانتي اللي عسل
الجارة : شالله يخليك ... ا ا الا الفلسفة دي (اه)
في انهي حتة في الجتة ؟...
مستطاع : في الدماغ عدل
الجارة : يا ساتر يا رب ..الشر برة وبعيد.....
ياما كان نفسي اكمل علامي و ابقي محترمة
مستطاع : علام اية بلا نيلة دانتي كدة احسن كتير هههههه اهلا
الجارة : ابويا الله يرحمه كان باش جنايني قد الدنيا
مستطاع : ماهو باين عرف يزرع ويغرس غصون جميلة
الجارة : شالله تعيش ...ولما القرش جري في ايده
لفت عليه واحدة مولعب ..ضيعته وضيعتنا معاه
امي الله يرحمها مستحملتش ماتت بحصرتها ..
اضطريت اسيب المدرسة واجري ورا لقمة العيش (والله كفاح شرف)
بس الوحدة الوحدة بعيد عنك قرف ..مرات ابويا الله يجحمها وقفت حالي
اكمن ما رضيتش اتجوز الواد ابنها
مستطاع : وقفت حالك ازاي ؟
الجارة : ربطتني في ديل العوانس
مستطاع : ما تقوليش كدة دانتي حلوة وزي القمر والف واحد يتمنا تراب رجليكي
الجارة : ماهما بيقلبوني قردة في عنين العرسان
مستطاع : هما مين اللي بيقلبوكي ؟
الجارة : حابس حابس تف تف
بص كل واحد يهوب ناحيتي يا تحصله مصيبة تبعده عني
يا يشوفني قردة في عنيه
مستطاع : ههه بقي دة كلام
الجارة : مرات ابويا لهي يجحمها مطرح ماهي قاعدة
عملالي عمل معقود بعقدة وشنيطة (اممم)
مدفون تحت ضوفر نملة ....( نملة !) اه والنملة بتجري في بلاد الله لخلق الله
ومحدش من السحارين عارف يلاقيها ...سايقة عليك النبي ...
سايقة عليك النبي تساعدني يا مولانا ..ساعدني ..
مستطاع : طب انا مستعد اساعدك بس علي شرط
الجارة : شبيك لبيك كل اللي هتقول عليه هيكون بين ايديك
مستطاع : تسيبك من حكاية النملة دي خالص لان دة كلام فارغ
الجواز قسمة ونصيب
الجارة : اهو نصيبي متعلق في ضوفر نملة
مستطاع: نصيبك متعلق بسلوكياتك ..باسلوب معاملتك مع الناس
طول مانتي عصبية و حمقية العرسان هتكش منك
الجارة : فكرك اعمل زار يمكن يهديني
مستطاع : زار اية بس
الجارة : امال اعمل اية
مستطاع : امممم هة حافظي علي تاج الانوثة
خليكي دايما رقيقة ..هادية ..ناعمة
الجارة : يا حلاوة
مستطاع : صدقيني عقدتك حلها في ايديكي
الجارة : بقي يعني فكيت عقد الخلق كلهم
وجاي لحد عقدتي و ربطت
مستطاع: ههههه انتي هههه انتي ماعندكيش عقد ولا حاجة
الجارة : تكونش فاكرني استغل الجيرة و مدكش عرقك ( عرقي )
لاااا دانا فنجرية و دفيعة اسال عني كل المشايخ
مستطاع : انتي مدمنة مشايخ بقي
الجارة : انا الحق عليا ان جيتلك ...صدق اللي قال
عمر القريب ما يشفي ولا يطيب
مستطاع : اطمني يا قمر ..انتي مش عايزة تتجوزي ؟
الجارة : لا ...انا عايزة النملة
مستطاع : هجيبلك النملة
الجارة : طب ما تيالا يا مولانا مستني اية
مستطاع : مش لمانحضر الطلبات الاول (طلباتك اية ....ها )
زر ورد احمر مزنهر ..(ماشي )
وحمامة بيضة مشقشقة (اهو كدة الشغل )
وبخور وحنة جاوة (ماشي )
وريالين فضة (بس ؟) دة عشان خاطرك
