سِمَعْنا بـ قصة الرجال

هذاك اللي رفضْه الحال

نوى يَخطب هَوى قلبه

تقدّم صوْب ابوها وقال

تقدّم صوْب ابوها وقــال :

"يا عَم جيتك .. لِحَد بيتك"

لـ يَد بنتك أنا اتقدمّ

على المِلّة، بـ شَرع الله

ونص الدين ابا اتممّ

هيَ ْمرادي .. غلا فوادي

طلبتك، قولها لي تَم

فقير الحال .. ما عندي مال

غنيْ المبدا خالـي الهم

أعفّ النفس .. واصلّي الخمس

وأراعي ربي الأعظم

ومهما صار، مع الاقدار

ابرضى بالذي مقسّمّ

تصدّد وجه ابوها وطال

سكوته ولا حكي ينقال

تفكّر ثمْ قال اسمع

ترى بنتي لـ ابن الخال!

ترى بنتي لـ ابن الخال ..

يا عمْ ارجوك

.. لا ترمي الشوك

فـ عيني وقلبي المغرمْ

بطهرْ الأرض،، عرفنا بعض

من احنا صغار لو تعلمْ

لا تحرمنا .. لا تعدمنا

وربك ما رضى بالظلمّ

يا عم ناظر، ترى الخاطر

يبيها من سنينٍ كم

يا راعي الخير .. هوانا طيـر

لا توقف في طريق الحلم

وخذ مني .. وعد إني

أخليها في مجرى الدم