Kapeng aking tinitimpla, lagi ngayong lumalamig
'Di ko malaman kung kulang sa tamis
Tasang walang kibo, sa 'ki'y nakatitig
Ako't siya'y naghihintay masagi ng iyong bibig
Buhok na mahaba, iniingat-ingatan ko
Noong isang linggo'y pinaputulan mo ito
Marahil ay pagod lamang ang aking isipan
At 'di ko napansin at hindi pinutulan
Huwag kang mag-alala, 'di ako iiyak
Hindi magdaramdam kahit na gapatak
Pag-ibig na minsan na ating dinanas
Sa tulad kong putik, tama na at sapat
Pintong dati-rati'y bukas sa aking pagdating
Ngayo'y nakasara at panangga sa hangin
Kung ako ay dumalaw at ito ay katukin
Kahit mahina pa, sana ay 'yong sagutin
Kay linis ng silid, walang nagkakalat
Medyas at sigarilyo'y walang naghahanap
Sanggol na nasanay, nasanay sa ama
Ngayo'y natutulog kahit nag-iisa
Huwag kang mag-alala, 'di ako iiyak
Hindi magdaramdam kahit na gapatak
Pag-ibig na minsan na ating dinanas
Sa tulad kong putik, tama na at sapat
Huwag kang mag-alala, 'di ako iiyak
Hindi magdaramdam kahit na gapatak
Pag-ibig na minsan na ating dinanas
Sa tulad kong putik, tama na at sapat
