Sefruyeɣ ul-iw d amejruḥ

Yal tizlitt Ggiɣ-as aṛṛuḥ

Mi cennuɣ ɣaf tudert-iw

Mmuɣebneɣ d amecṭuḥ

Si d-ldint wallen-iw di dduḥ

Tesemɣi-d laɛyub temẓi-w

Di lɛaql ur d igra ciṭuḥ

Iḍaq wul ula anda (i)ṛuḥ

Imi di temda lfuṛuḥ

Ctaqeɣ ad seggeɣ afus-iw

Id yegran keml-it

Yidem awi-t

Ur d yuttuɣal

A yir ddunit

Teččuṛeḍ kan d awal

Lhemm-iw leqm-it

Ad yefk ixulaf d cwal

Asirem s tirga n ɣellet-it

S wawal lebɣi newweḍ-it

Narǧa attbeddel mazal

Lfaṛḥ deg ul nectaq-it

Di sin n gezm-it

Mi neẓṛa d lmuḥal

Asmi akken id luleɣ

Id ḍallen lahmum di twenza-w

Deg-sen ḥeṣleɣ

Zaǧawen di ṣṣuṛa-w

Aqli-yi bahbeɣ

Melmi (ar)a ḍilleɣ (ɣa)f lahna-w

Mi senniɣ asen rewleɣ

Tagara ad ttwiṭṭefeɣ

Yissem id neggi tasa-w

Yal tama dg-i mmuqeleɣ

Ad afeɣ dg-es xuṣṣeɣ

Akka ula d laḥmala-w

Ay aḥbib anef-iyi

I yellan deg ul-iw anef-as

Fiḥel imeṭṭi

Yal yiwen s nnuba-s

Lfaṛḥ n temẓi

Ur s ḥusseɣ i lbenna-s

A nneɣ a sidi Ṛebbi

Γur-ek nettɛenni

Wali-yeɣ-d ula yiwwas

I kečč kan ma ara an cetki

Negguma an thenni

Felleɣ yugi ad yali wass