[المقطع الأول]
أنا كل شوية
بسأل قلبي عليك وعليا
لسه واحشني ومش بإيديا
أعمل إيه وأنساك إزاي؟
أيوة إحنا بعدنا
لكن عمرنا ما إتعودنا
وخسرنا كتير لما عاندنا
ما حدش فينا طلع نساي
[اللازمة]
أوقات ما بنختارش النهايات
وده بيخسرنا حاجات
نندم بعديها سنين
فبلاش نفضل في عذاب متعاش
ما بعدنا وما إرتحناش
وإحنا الإتنين ساكتين
[المقطع الثاني]
ما عرفتش قيمتك
وما فوقتش غير لما خسرتك
إزاي قلبي طاوعني وسبتك؟
كنت بفكر بس في إيه؟
مش سهلة القصة
مهما بعيش بفتكرك لسه
إنت كمان ما إديتنيش فرصة
ما تكلمتش وقتها ليه؟
