Tengah peuting keur jemplang-jempling

Kuring nyaring, teu genah cicing

Haté melang sumoréang

Buah ati lawas teu patepang

Cuang-cieung, kuring sorangan

Nunggeulis di pangumbaraan

Lieuk deungeun, lieuk lain

Taya pisan geusan pamuntangan

Rék sasambat, ka saha nyanyambat?

Suwung dulur, walurat sobat

Sangsang badan, nitipkeun nya diri

Iwal ti ka Gusti Hyang Widhi

Hiliwirkeun, duh, angin peuting

Pangnepikeun hariring kuring

Ka jungjunan nu ngantosan

Kawih ati nu keur rungsing pusing

Cuang-cieung, kuring sorangan

Nunggeulis di pangumbaraan

Lieuk deungeun, lieuk lain

Taya pisan geusan pamuntangan

Rék sasambat, ka saha nyanyambat?

Suwung dulur, walurat sobat

Sangsang badan, nitipkeun nya diri

Iwal ti ka Gusti Hyang Widhi

Hiliwirkeun, duh, angin peuting

Pangnepikeun hariring kuring

Ka jungjunan nu ngantosan

Kawih ati nu keur rungsing pusing