رجل يعرف معني الحب

جميلة تتعرض للخداع علي يد زميلها في الجامعة وتحاول الانتحار وفي المستشفي يكتشف ابن

عمها محمد انها حامل فيخفي الامر عن اهلها وحين تخرج من المستشفي

يدور بينهم هذا الحوار:

محمد : جميلة كنت عايز اكلمك في موضوع

جميلة : فيه اية يا محمد قلقتني

محمد : بصراحة كدة يا جميلة ومن غير لف ودوران عدي عليا عشرين يوم من ساعة ما طلعتي من المستشفي وانا مش عارف افتحلك الموضوع ده ازاي

جميلة :اتكلم يا محمد اخلص

محمد : جميلة تتجوزيني

جميلة : بتقول ايه ؟!!

محمد : انا عارف ان انتي ممكن تفهميني غلط .... بس والله العظيم يا جميلة والله العظيم ...

تقاطعه جميلة : لا يا محمد انا فاهماك صح بس انا مش محتاجه شفقه من حد

محمد : اعوذ بالله يا جميلة .. انا اشفق عليكي .. حد بردة يشفق علي حته منه يا جميلة ده انتي بنت عمي

انا من زمان وانا عايزاتقدملك بس خفت ... خفت للترفضيني وتزعلي مني وانا قدرش علي زعلك ابدا وكنت بقول لنفسي يا محمد بنت عمك دي تستاهل واحد احسن منك بكتير

جميلة : وانت دلوقت بعد ال عرفته نزلت في نظرك فتشجعت

محمد : اعوذ بالله ياجميلة ايه ال انتي بتقوليه ده .. ده انتي متعرفيش غلاوتك عندي قد ايه

وبعدين يعني لو محركنيش حبي ليكي لازم يحركني خوفي عليكي ولازم تعرفي يا جميلة سواء وافقتي او موفقتيش هيفضل سرك في بير

جميلة : وانت ذنبك ايه تشيل غلط غيرك

محمد : محدش بيشيل غلط حد يا جميلة ومحدش معصوم من الغلط

كلنا بنغلط وربنا بيسامح واحنا لو مسمحناش بعض هنبقي عاملين زي الديابه وهنبقي عايشين في غابة وصدقيني

مش كل الناس وحشه يا جميلة

جميلة : حتي وانت عارف اني مبحبكش ومش ممكن هحبك لاني خلاص مبقتش اقدر احب تاني

تبكي جميلة : انا انكسرت وانكسرت جوايا حجات حلوة كتير ال انت شايفها قدامك دي مش جميلة دي شبح جميلة

ال بيموت في كل لحظة من الزل والعار

محمد : بصي يا جميلة تعالي نتجوز ان شالا حتي نتطق بعدها بيوم انا موافق بس تخرجي من ازمتك وتعيشي وراسك مرفوعة اوعي تفتكري اني بعمل كده علشانك انتي وبس انا بعمل كده كمان علشان نفسي علشان احس اني جنبك واني الانسان ال بتلجأيله في ازمتك

ارجوكي يا جميلة اديني الفرصة دي نفسي احس اني قريب منك لاني والله العظيم بحبك