أنت بتوجع قلبي
ومهنش عليا أقولك ليه
علشانك هان تعبي
لو حتى مكنتش حاسس بيه
ومفيش أبداً له فايده
ده أنا قلبي ماليش ولا حكم عليه
الاسم صحيح قلبي لكن من غيرك فايدته إيه
يا حبيبي أنا مش قادر من غيرك أنا أيامي عذاب
حبيتك والله ماعملتش يوم للبعد حساب
اتعلمت اشتاقلك ونسيت أتعلم يوم أنساك
مهما بتبعد عني حياتي... وروحي معاك
بتعرف إني بحتاج لك
وميحنش في يوم قلبك
بحبك هي نقطة ضعفي
وعارفها وبرضو بحبك
بتعرف إني بحتاج لك
وميحنش في يوم قلبك
بحبك هي نقطة ضعفي
وعارفها وبرضو بحبك، آه
كل ما أفكر أنسى
أنا بنسى وبرجع أفكر فيك
من غيرك بتغرب
حواليا الناس وأنا بالي عليك
قد ما قلبي تاعبني وتعبت عشانك نفسى الأقيك
الأيام بتغير ولا بتغير، أنا عايش ليك
يا حبيبي أنا فاض بيا راحتك فعذابي وراحتي لقاك
بتصعبها عليا يرضيك أفضل على حالي معاك
مين هيحبك قدي أو يرضى لحاله يعيش مظلوم
بس أنا علشان روحي معاك بستحمل ولا بنساك يوم
بتعرف إني بحتاج لك
وميحنش في يوم قلبك
بحبك هي نقطة ضعفي
وعارفها وبرضو بحبك
بتعرف إني بحتاج لك (آه)
وميحنش في يوم قلبك
بحبك هي نقطة ضعفي
وعارفها وبرضو بحبك
