သီချင်း - နှလုံးလမ်းကြောင်းမှာကျွန်းခံနေတယ်
တေးဆို - စိုင်းထီးဆိုင်
ပိုနေရင်သာ မသိသာတယ်
လိုနေရင်ဘဝတစ်ခုလုံးဟာနေသလိုကွယ်
ရေဘောင်ဘင်နဲ့မပြည့်အိုးသဖွယ်
လူဆိုတာတစ်ယောက်စီမနေနိုင်တဲ့
သတ္တဝါတွေပဲလို့ဆိုစမှတ်ရှိခဲ့လည်း
အဖော်မွန်တွေနဲ့အိမ်ထောင်တွေနဲ့တင့်တယ်မြဲ
ကိုယ့်မှာတော့ကွယ်တစ်ကောင်တည်းမျက်စိလည်
တွယ်တာသူတော့ရှိပါတယ်
သာယာတဲ့ဘဝတစ်ခုဆောက်ရန်ရည်ရွယ်
ဒါပေမယ့်မဖြစ်ခဲ့ဘူးကွယ်
တစ်ချိန်ချိန်တော့ တစ်နေရာတော့
တစ်စုံတစ်ခုသောအကြောင်းနဲ့ပျက်သွားမြဲ
မယုံကြည်နိုင်လောက်အောင်
အခြေအနေတွေတိုက်ဆိုင်တော့ကွယ်
နောက်တစ်ခါအတွက်လည်း
မဝံ့မရဲဖြစ်ရတယ်
လက္ခဏာဆရာကပြောတယ်မေရယ်
နှလုံးလမ်းကြောင်းမှာကျွန်းခံနေတယ်
မိန်းမနဲ့ပတ်သက်လာရင်
အမြဲတမ်းပဲကံဆိုးနေမယ်
အခန့်မသင့်ရင်အချစ်ရေးအတွက်
ကိုယ့်အသက်တောင်ရန်ရှာလိမ့်မယ့်
မျက်ကန်းအချစ်သမားတဲ့
ဒီလိုဆိုရင်ခက်ချေရဲ့
ကိုယ်အလိုချင်ဆုံးတစ်ခုက မရနိုင်ပြီကွယ်
ကျန်တာတွေ မထူးတော့ဘူးရယ်
ယဉ်တဲ့စိတ်ကူးအကောင်ထည်ဖော်ဖို့
ကြံဆောင်လေသမျှသဲရေကျခဲ့ရပေါ့ကွယ်
ရှင်ရင်ရွှေထီးဆိုတာစွန့်စားခဲ့တာလည်း
ရကာမှပဲ မိဖုရားကမရှိတယ်
လက္ခဏာဆရာကပြောတယ်မေရယ်
နှလုံးလမ်းကြောင်းမှာကျွန်းခံနေတယ်
မိန်းမနဲ့ပတ်သက်လာရင်
အမြဲတမ်းပဲကံဆိုးနေမယ်
အခန့်မသင့်ရင်အချစ်ရေးအတွက်
ကိုယ့်အသက်တောင်ရန်ရှာလိမ့်မယ့်
မျက်ကန်းအချစ်သမားတဲ့
