VOCE E NOTTE (S.DA VINCI)
Base Originale
Tonalità 2 Semitoni
Syncro by
Si 'sta voce te
scéta 'int' 'a nuttata,
Mentre t'astrigne
'o sposo tujo vicino...
Statte scetata,
si vuó' stá scetata,
Ma fa' vedé ca
duorme a suonno chino...
Nun ghí vicino
ê llastre pe' fá 'a spia,
Pecché nun puó'
sbagliá 'sta voce è 'a mia...
E' 'a stessa voce
'e quanno tutt'e duje,
Scurnuse, nce..
parlávamo cu 'o "vvuje".
Si 'sta voce te
canta dint"o core
Chello ca ij nun
te cerco e nun te dico;
Tutt"o turmiento
'e nu luntano ammore,
Tutto ll'ammore
'e nu turmiento antico.
Si te siente a
smania 'e vulé bene,
Na smania 'e vase
córrere p' 'e vvéne,
Nu fuoco che
t'abbrucia comm'a che,
Vásate a chillo...
che te 'mporta 'e me?
Si 'sta voce,
che chiagne 'int' 'a nuttata,
Se sceta 'o sposo,
nun avé paura...
Vide ch'è senza
nomme 'a serenata,
Dille ca dorme
e che se rassicura...
Dille accussí:
"Chi canta 'int'a 'sta via
O sarrá pazzo
o more 'e gelusia!
Starrá chiagnenno
quacche 'nfamitá...
Canta isso sulo...
Ma che canta a fá?!..."
