Моңнар кайтсын авылга

Ризван Хәкимов көе

Рамил Чурагулов сүзләре

Авыл киче. Тасмалардан,

Әй, агыла ят моңнар.

Нинди моңсу, әллә инде

Телсез калган гармуннар?

Әйт, авылым, кайда соң моң,

Моң кайда соң, әйт, урам?!

Аулым бөйле һәм гармунлы

Яшьлегемне сагынам.

Авыл киче. Ник соң моңсу?

Күңелем буш. Ник шулай?

Өй түрендә тальян гармун

Моң сагынып зар елый.

Әйт, авылым, кайда соң моң,

Моң кайда соң, әйт, урам?!

Аулым бөйле һәм гармунлы

Яшьлегемне сагынам

Йөрәкләргә очкын салып,

Гармунымда уйныймын.

Авылыма моңнар биреп,

Урамнарны буйлыймын.

Әйт, авылым, кайда соң моң,

Моң кайда соң, әйт, урам?!

Аулым бөйле һәм гармунлы

Яшьлегемне сагынам

Авыл киче. Яшь йөрәкләр

Гармун-моңга сусаган.

Сөю булып моңнар кайтсын

Авылыма яңадан.

Әйт, авылым, кайда соң моң,

Моң кайда соң, әйт, урам?!

Аулым бөйле һәм гармунлы

Яшьлегемне сагынам

Әйт, авылым, кайда соң моң,

Моң кайда соң, әйт, урам?!

Аулым бөйле һәм гармунлы

Яшьлегемне сагынам.

Аулым бөйле һәм гармунлы

Яшьлегемне сагынам.

Яшьлегемне сагынам.