بعيد الحب أبكتب لك واسمعك الذي فاتك
وأتكلم وأشرح لك حكاية عاشها قلبي
وأنا صغير أناظـر لك وأتابـع كل خطواتك
وإنت تبتسـم لي ولا تدري مدى حبي
وكنت أتعمد النظـرة عشان أحظـى بنظراتك
واتشقـق من الفرحـة إذا مريت من جنبي
حبيبي يا بعد عمري ترى مشتــاق لهمساتــك
وكافي بعد عن عيني تعبت أقســم لك بربي
وحشني صوتك الدافـي و وحشتني حكايتاك
سواليفــك مـع مزحـك وأحـب كلمة تسبي
بوضح لك صفة حلوة ترى تعجبني ضحكاتـك
خصوصا لا طرت معها براءة وحب متخبـي
خلاص البعد أتعبني وربي البعد ده فاتك
ذا الورد اللي فرح فيني وأظلم في البعد دربي
تعال وما عليك إنت سنيني الباقية جاتك
هذه وما تساوي شي لو تقارن بها حبي
حرام يمر عيد الحب وإنت في سجن ذاتك
ترى في ناس يحبونك وأولهم أنا وقلبي
