Deus ti salvet, Maria
Chi ses de gratzias plena,
De gratzias ses sa vena
E i sa currente.
De gratzias ses sa vena
E i sa currente.
Su Deus onnipotente
Cun tegus est istadu
Pro chi t'hat preservadu
Immaculada.
Pro chi t'hat preservadu
Immaculada.
Beneitta e laudada
Subra tottu gloriosa:
Mama, fiza e isposa
De su Segnore.
Mama, fiza e isposa
De su Segnore.
Beneittu su fiore
Ch'est fruttu de su sinu,
Gesus, fiore divinu,
Segnore nostru.
Gesus, fiore divinu,
Segnore nostru.
Pregade a Fizu 'ostru
Pro nois peccadores:
Chi tottu sos errores
Nos perdonet.
Chi tottu sos errores
Nos perdonet.
E i sa gratzia nos donet
In vida e in sa morte
E i sa diciosa sorte
In Paradisu.
E i sa diciosa sorte
In Paradisu.
