Ma name's Duncan Campbell fae the shire o Argyll
A've traivellt this country for mony's the mile
A've traivellt thro Irelan Scotlan an aa
Ae nicht in Auld Reekie A walked doun the street
Whan a saucy big polis A chanced for tae meet
He glowert in ma face an he gied me some jaw
Well A am not a Pat tho in Irelan A've been
Nor am A a Paddy tho Irelan A've seen
But were A a Paddy that's nothin at aa
Well A know ye're a Pat by the cut o yer hair
Bit ye aa turn tae Scotsmen as sune as ye're here
Ye left yer ain countrie for brakin the law
An were A a Pat an ye knew it wis true
Or wis A the devil then whit's that tae you
Were it no for the stick that ye haud in yer paw
An a lump o blackthorn that A held in ma fist
Aroun his big bodie A made it tae twist
An the blude fae his napper A quickly did draw
Bit the people cam roun like a flock o wild geese
Sayin catch that daft rascal he's killt the police
An for every freen A had A'm shair he had twa
Bit A cam tae a wee boat that sails in the Forth
An A packed up ma gear an A steered for the North
Fareweill tae Auld Reekie yer polis an aa
Sae come aa ye young people whairever ye're from
A don't give a damn tae whit place ye belang
A come fae Argyll in the Heilans sae braw
