Ambo nok sambun kisoh dighi sedighi
Doh adek kakok kapon pakak nok denga lagih
Ambo hormak sanjon segalo kaseh segalo budi
Susoh hok ambo tanggung adek kakok ambek peghati
Ooooooo
Ambo ghaso bebesa hati
Ooooooo
Terimo kaseh setinggi- tinggi
Maso kecik ambo beso makey nasik sajo- sajo
Kalu ado sekeghak ikey pon keno bagi duo
Dapo como ado gaghe jaghe bena ado gulo
Bajopoh male- male paka minum air telago
Bangun pagi- pagi sauk baju paka slua
Mek ambo ghebuh ubi bukuh buwi buak beka
Dio pesey haghi- haghi leng ngaji lah panda- panda
Kalu seksok pah tinggi oghe kato bulih jadi pegawa
Ooooooo
Ambo gi skoloh beghungga- ghungga
Ooooooo
Ambo nok ngaji wi panda- panda
Ado satu ketiko
Cekgu mitok sepuloh ghiya
Dio kato skoloh kito nok gi melawak sambi belaja
Hmm tak dok apo doh la cekgu sayo tok leh baya
Oghe lain gi blako ambo soghe jah tingga
Hok ambo peghik seghoti keno gi skoloh alik petey
Cekgu kato wajik maghi ghumoh kunin ado latihey
Ambo lah banyok sekali keno hungga kelilin padey
Keghano ambo tok leh nok beli sluaa pendek kasuk sukey
Ooooooo
Malunyo weihh ambo keno pajey
Ooooooo
Ni la baghu ambo ghoyak kok ghe
Teghimo kaseh la cekgu- cekgu
Keghano sudi ajaa sayo
Daghi daghejoh satu hingga jadi maknusio
Mitok halaa segalo ilmu hok cekgu buwi selamo maso
Wi tapok kaki gughu ambo tundok mitok redho
Ambo masuk yunibesiti tahon lapey puloh
Budok kapon nok gi ngaji
Tok tahu la mano jatuh
Adek- adek kecik lagih ghato segenak kok dale baghuh
Iktekak dale hati ambo nok ngaji sunggoh- sunggoh
Ingak malu kok ghe waghih waghah dok pakak kato
Tok soh laa dudok tebey kalu tidok bako kayo
Ataa skoloh anok jate wat ngabih ko hagheto
Tidok kato nok pakak ghatey tulon baatu samah duo
Ooooooo
Tak dok woghe nyo dighi ambo
Ooooooo
Demo tok sir kelih walau sebeloh mato
Mek denga ayoh masuk jadi peneroko baghu
Daley bukik nok taney getoh di keseda lebir satu
Peghe neghima gajoh makey tok makey tak dok sapo tahu
Beginih laa oghe susoh nok tanggon anok ngaji di yuu
Keghano keado'ey begitu ayoh ambek keputusey
Wahai anok- anokku kito pecoh lah tigo jale
Mu halen anok nombo satu dok kualo lupo ngaji la soghe
Adek- adek tingga kapon dulu pakak dudok la limo oghe
Ooooooo
Selamak tinggaa selamak jale
Ooooooo
Adek hok boosu jeghik sokmo male- male
Alkisoh la ambo pulok tengoh dok mengaji di yu Malaya
Buku rujukey pun ambo tak dok pakaa haghak ko salen nota
Beghaso malu jugok masok majelih hok besa- besa
Baju ambo mughoh telajok duo belah ghiya jah selaa
Haghi konbokesyen
Haghi utok ayoh bondo
Penak jeghih seghibu musen
Haghak mek ayoh beghaso banggo
Tahniah daghi sain- sain ambo teghimo banyok bungo
Ambo lah oghe panggey halen
Anok kapon sesok hok buley bejayo
Ooooooo
Akhirnyo ambo buleh sarjano
Ooooooo
Syukoo pado Allah maho kuaso
