Hob Bel Ekrah

خليتنا صحاب واخوات زي ما كنت عايزة

وأديني كل يوم بتأذى وقلبي مصاحب نغزة

وآه لا مؤاخذة أنا في نظرك كده بقيت مهزق

عشان رجعت أتكلم ثاني بعد ما قلبي إتمزق

مش عايزة نرجع ولا أنا هبقى أم عيالك

كل الحب ده كان حقيقي فعلاً بس في خيالك

إنت اتعشمت فيّ زيادة وياما شغلت بالك

بس إنت نسيت حاجة مهمة أنا مرتبطة عقبالك

عقبالي إزاي وأنا أصلاً ما بقاش فيّ مشاعر

كل مشاعري أنا أديتها لك وإنت ما قدرتيش في الآخر

فضلت بعافر وأتاريني كنت بقلبي بتاجر

بحبك بس تاعبة قلبي زي السجاير

طالما تاعباك ما تبطل أنا مش فارق ليّ حبك

كلهم قالوا لك ولا بحبك ولا هحبك

وإنت فضلت تعاند نفسك تستاهل كل اللي حصل لك

أنا مرتاحة إن إحنا بعدنا وعمري في يوم ما أرجع لك

غلطان عشان كل اللي راميني فضلت بجري وراه

كنت فين يا لاءه لما أنا قولت آه

كان حب ده ولا خراب أدينا رجعنا أغراب

حبيتها بجد بس ده طلع حب بالإكراه

إزاي كان مستنيني أحبه وأفضل أجري وراه

وأنا موافقة غصب عني لا أنا حباه ولا أنا طايقاه

لا نفعنا نبقى حبايب ولا هننفع نبقى صحاب

إزاي حبتني أصلاً ده مفيش حب بالإكراه

الحل عندك ما أنا قلبي عندك

زي ما عرفتي تسيبيني أرجوكي تنسيني

أنا مش بعاندك ولا قاصد حتى أضايقك

زي ما بطلتي تحبيني بطلي توحشيني

الحل عندك إنت إكرهني بأي حجة

زي إني كرهتك زي إني أصلاً مش بحبك

وأن كان ع العشرة فلو عليّ خلاص نسيتها

كنت معاك ع الحلوة بس مش هقدر أكون معاك في الشدة

وما تعملش فيها حزين مش هيرجعني الحنين

أنا بس سمعت كلام أهلي عشان كانوا موافقين

مش عشان عايزاك أنا كنت بجرب بس محاولة

لكن فشلت بجد حبك كان محاولة فاشلة

وأنا ذنبي إيه إني أتعشم وأضحك للحياة فتكشم

حبك اللي كان منور قلبي بقى يعتم

مش هعرف أكتم حزني هكتب حزني بعد ما روحتي

ولا عرفتي تبقي حبيبتي ولا أنا عرفت أشوفك أختي

إزاي كان مستنيني أحبه وأفضل أجري وراه

وأنا موافقة غصب عني لا أنا حباه ولا أنا طايقاه

لا نفعنا نبقى حبايب ولا هننفع نبقى صحاب

إزاي حبتني أصلاً ده مفيش حب بالإكراه

غلطان عشان كل اللي راميني فضلت بجري وراه

كنت فين يا لاءه لما أنا قولت آه

كان حب ده ولا خراب أدينا رجعنا أغراب

حبيتها بجد بس ده طلع حب بالإكراه