أنا عارف إنك مخنوق ومش طايق حد يكلمك
بس أنا صاحبك الوحيد فمش هخونك ولا أسلمك
بتحبك ولسه بتسأل عنك وبتفتكرك
على فكرة لسه بتسمع تراكاتك وبتدندن لك
لا حلوة كلكوا شايفين إن أنا شيطان وظالمها
ومش شايفين إني اتخدعت واتخذلت منها
طالما كانت ناوية تخون وتخدع ليه قالت لي بحبك
ليه خانتني بعد ما عشمتني بأكبر كذبة
صدقني ندمت وعرفت قيمتك لما بعدت
والفترة ديّ هي محجوزة في مستشفى وتعبت
تعالى معايا زورها وجودك بالنسبة لها حياة
بعدك بتغرق فعلاً وإنت ليها طوق نجاة
للحظة فكرت حنيت أنا وافتكرت
ولا اتصورت إني أرجع بعد الوقت أسامحها بجد
قد إيه ضعفت بعد أما عرفت حالها بعدي
أنا لازم أسامح واللي يحب بيسامح ويعدي
ده حقيقي ولا بحلم إنت جاي لي كمان بنفسك
واحشني أوي حقك عليّ سامحني بجد أنا آسفة
مش عايز أسمع كلام وأنا معاكي دي مش أحلام
كل اللي هاممني بس إنك ترجعي بخير وتمام
أنا هبقى تمام بجد بس لو إنت فضلت جنبي
دموعي نزلت غصب عني وجات لي نغزة في قلبي
وحاولت أخبي قولت لها ما تخافيش مش هبعد
(ردت متأكد؟ (معرفتش أحب حد بعدك
كنت عارفة إن إنت لسه زي ما إنت وقلبك أبيض
كنت عارفة إنك هتحن وهترجع على بابي تخبط
طبعاً حنيت لأني زيك من غيرك بتمرمط
قربت وخذتها في حُضني إحنا الإثنين بنعيط
(سامحني (مسامحك يا اللي علمتيني أسامح
(بحبك (وأنا عاشقك ونسيت كل أحزان امبارح
ومكونتش عارف إني بعد كده هتقتل
صحيح صدق اللي قال ديل الكلب مش هيتعدل
فينك مش قولتي إن إحنا هنخرج النهار ده؟
يا حبيبي آسفة بجد غصب عني عندي محاضرة
تتعوض نبقى نظبط وقت ثاني وتبقى فاضية
(إوعى تخوني (يا حبيبتي وإنت غايبة في قلبي حاضرة
قفلت معاها وكنت زعلان إني مش هقابلها
فكرة إن هي مش موجودة في يومي مش قابلها
جات لي مكالمة من رقم غريب وقال لي عايز مصلحتك
إنت بتتغفل يا سطا حبيبتك في البيت عند صاحبك
جريت و روحت كسرت الباب فتحت لقيتها معاه
اتصدمت وكان جوايا مية سؤال طب ليه وإزاي
و وسط صمت رهيب من جيبي طلعت المسدس
مالك ليه ساكتة؟ خليكي قاعده ثابتة
(أنا آسفة (ششش مش عايز أسمع كل كلامك كذب
غلطان عشان آمنت وملعون القلب اللي يحب
(ما تقتلنيش يا زياد (سامحني أرجوك يا زياد
مفيش سماح عمرت سلاحي ودوست ع الزناد
