อยู่ในเมืองกรุงเป็นจั่งใด๋แหน่น้อลูกหล่า

แม่ยังคอยยังถ่าเจ้าคืนมาบ้านเฮา

เป็นจั่งใด๋แหน่น้อการงานของเจ้า

มันเป็นจะเอาความสำเร็จมาฝากแม่ได้บ่

แม่ไปไฮ่ปิ้งไก่มาหา แม่ไปนาปิ้งปลามาป้อน

แม่เลี้ยงน้องอยู่ไฮ่สวนมอน

ไผบ่นอนแมวปอนสิกินตับ

ไผบ่หลับกับแก้สิคาบคอ

โอ่นโหล่นซาเถียงนาไม้ไผ่

แข้ขึ้นไข่แมงดาขึ้นฟัก ฟักสองเส้นอีตะเว็นสองหน่วย

กล้วยสองหวีขี้ซีสองท่อ น้ำออกบ่ไหลมาโทมโทม

กล้วยตกตมล้มแอ๊ะ ยังจำแม่ได้บ่น้อลูกหล่า

แม่คิดแม่ฝันแม่คิดฮอดเจ้าทุกวัน

เป็นจังได๋แน่น้ออีหล่าบักคำ

โตอีแม่นี้ยังคิดฮอดเจ้าอ่ำหล่ำคิดฮอดลูก

ขั่นแม่นเจ้าเหมื่อยกะกลับมาบ้านเฮา

ให้อิแม่ได้หอมได้กอดได้เว้านำเจ้าจักหน่อย

คืนมาบ้านเฮาเด้อหล่า

โอ๊ยน้อละว่าลูกล้าเอ้ย

บัดนี้คั่นแม่นใจเจ้าอ่อนล้า

แม่นอยู่ไสโจกโหลกฟ้า

แม่ยังคงคอยห่วงหา

ให้คืนมาเด้อคำเอ้ย

ลูกเอ๋ยทางอิแม่ละฝ่ายก้ำ

คึดฮอดเจ้าดอกอ่ำหล่ำ

ทางอิหล่าและบักคำ

สิอ่วยหาดอกคืนบ้าน

โอ่นโหล่นซาเถียงนาไม้ไผ่

แข้ขึ้นไข่แมงดาขึ้นฟัก ฟักสองเส้นอีตะเว็นสองหน่วย

กล้วยสองหวีขี้ซีสองท่อ น้ำออกบ่ไหลมาโทมโทม

กล้วยตกตมล้มแอ๊ะ ยังจำแม่ได้บ่น้อลูกหล่า

แม่คิดแม่ฝันแม่คิดฮอดเจ้าทุกวัน

เป็นจังได๋แน่น้ออีหล่าบักคำ

โตอีแม่นี้ยังคิดฮอดเจ้าอ่ำหล่ำ คิดฮอดลูก

ขั่นแม่นเจ้าเหมื่อยกะกลับมาบ้านเฮา

ให้อิแม่ได้หอมได้กอดได้เว้านำเจ้าจักหน่อย

โอ่นโหล่นซาเถียงนาไม้ไผ่

แข้ขึ้นไข่แมงดาขึ้นฟัก ฟักสองเส้นอีตะเว็นสองหน่วย

กล้วยสองหวีขี้ซีสองท่อ น้ำออกบ่ไหลมาโทมโทม

กล้วยตกตมล้มแอ๊ะ ยังจำแม่ได้บ่น้อลูกหล่า