গুপুতে গুপুতে কিমান খেলিম

আলিঙ্গনৰ এই খেলা

ছটিয়াও আহা আকাশে বতাহে

দুয়োৰে ৰঙৰে মেলা

গুপুতে গুপুতে কিমান খেলিম

আলিঙ্গনৰ এই খেলা

মৌচুমী চহৰীয়া

সমাজ আৰু সংস্কাৰক

দেখুৱাওঁ আহা প্ৰিয়া

লুকাই নথৈ আমাৰ দুখন

সাগৰৰ দৰে হিয়া

যৌৱনত জানো পাপ থাকে

প্ৰকাশ জানো বন্ধ থাকে

লহৰে জানো সাগৰক কৰে

কাহানিও অৱহেলা

গুপুতে গুপুতে কিমান খেলিম

আলিঙ্গনৰ এই খেলা

হেমন্ত

তোমাৰ নয়নযুৰি

তোমাৰ বুকুৰ পাপৰি

প্ৰতি চাৱনি শুৱনি

প্ৰতি পৰশ লাৱনী

বন্ধ ঘৰৰ খিৰিকী দুৱাৰ

খোলা আজি প্ৰিয়া খোলা

নেলাগে আৰু দেখুৱাব আজি

শালীনতা শৃংখলা

মৰমত জানো নিয়ম থাকে

ধুমুহাৰ জানো পৰিধি থাকে

প্ৰভাতক জানো ঢাকিব পাৰি

পিন্ধাই লাজৰ মালা

গুপুতে গুপুতে কিমান খেলিম

আলিঙ্গনৰ এই খেলা

ছটিয়াও আহা আকাশে বতাহে

দুয়োৰে ৰঙৰে মেলা

গুপুতে গুপুতে কিমান খেলিম

আলিঙ্গনৰ এই খেলা