روح، روح، روح
روح في أمان الله ورعاية الله
مع السلامة رافقتك السلامة
أحتاج وجه بسمته في محياه
حاجة فقير الرأس ماله حزامه
يقول يا ويلي على المال ويلاه
وأقول يا ويلي على الإبتسامة
أنا ليّ غنى المغني لليلاه
بان الحزن فيني علامة، علامة
وغنيت لك يا تل قلبي من أقصاه
لا وحيت مع وجه العصير الحمامة
روحي وخلي من نثرني بقاياه
يمضي عليه العمر عامه بعامه
ويوم يفضفض للمكان وزواياه
عن كل شي ولا يكمل كلامه
حزنه من أقصى طعنة في حناياه
ما جابته سبابته من بهامه
تمره أغلى الذكريات وتعداه
ويموت بين الكبر والإنهزامة
أدنا ما يزعل منه وأدنات مرضاه
مثل الغرير اللي على أول فطامه
يسري، يسري
يسري ولا يدري على وين مسراه
ويسرح ورقاد الضحى في منامه
كم لي وأنا ألوم الزمان بسواياه
ولا حر من جمر العتب والملامة
هذه ترى رحلة ضياع ومعانات
يقضي بها المغرم بقية غرامه
