عائله كاسيت

اوبريت اخر نفس فيا

لو أموت علشان خاطرها الموت ما يوجعنيش..

أنا ممكن أعمل أى حاجة عشان حبيبتى تعيش.

دا هى أهلى ودنيتى وناسى وصحابى

وهى أمى وبعد حضن الأم والله ماليش.

أهى دى اللى أغلى على منى ومن النفس والروح

ويوم ما حد يمس إحساس مصر روحى تروح..

وطول ما هى بخير باكون مرتاح ومطمن

وأما بتعب جوه حضنها كل تعبى يروح

أنا فى البلد دى عرفت قيمة إنى أكون انسان

أنا لما ببعد عن ترابها بحس بالحرمان.

وبعد ما الشر مايكونليش مكان فيها

أحس إنى خلاص ماليش فى الكون ده كله مكان.

أنا مش هاعيش غير فى البلد دى مهما يحصل إيه.

دا أنا كل شارع فيها ليا ذكرى حصلت فيه..

دى فيها أمى وأول بنت حبتها

وصاحبى اللى ما بتسندش بجد إلا عليه.

أنا كل حرف فى اسم مصر يساوى عندى كتير..

مش بس بعشق أرض بلدى باخاف عليها وأغير

ومهما حد فى يوم يفكر إنه يأذيها

أنا مش هخاف عشان بلدنا دى ليها رب كبير.

يا رب حافظ على البلد دى وصونها واحميها..

ده أنا أروح فداها وأموت عشان حبة تراب فيها..

فيه ناس كتير تتمنى تبقى بلدنا محنية

ومصر مش هتروح لو راح آخر نفس فيا.

أنا النهارده يا رب راكع مش عشان نفسى..

أنا جى بادعى لبلدى اللى أهم من نفسى..

يا رب خلى بلدنا دايما راسها عالية لفوق

ولا أى شبر فى مصر حد يمسه يوم بسوء.

يا رب حافظ على البلد دى وصونها واحميها..

ده أنا أروح فداها وأموت عشان حبة تراب فيها..

فيه ناس كتير تتمنى تبقى بلدنا محنية

ومصر مش هتروح لو راح آخر نفس فيا.

أنا النهارده يا رب راكع مش عشان نفسى..

أنا جى بادعى لبلدى اللى أهم من نفسى..

يا رب خلى بلدنا دايما راسها عالية لفوق

ولا أى شبر فى مصر حد يمسه يوم بسوء.

حافظ عليها.. أصل البلد دى عليها بدل العين كتير

وأنت اللى قادر أنت اللى عالم أنت الكبير..

والله مصر ما تستاهلش غير كل خير..

حافظ عليها.. أصل البلد دى عليها بدل العين كتير.

وأنت اللى قادر أنت اللى عالم أنت الكبير

يارب انت الكبير..