من كام شهر كنت بحبك...

كنت بوضب روحى وحبك ..

لجل ما اقابلك..

كنت بكل حلاتك قبلك ..

تفرحى قبلك..

تزعلى قبلك..

تتقلى.. قبلك ..

كنت الارض ..وكنت سنابلك..

كنت الحرب.. وكنت قنابلك ...

حتى فى بعدك وانتى مسافرة..

وبيبنى وبينك ألف محطة..

كنت بقابلك..

عمرى يا نانا ما قلبى اتنازل ولا ساب حقه..

زي ما سبلك ..

عمره ما ضحى بسهده وسهره وجاب من عمره..

زي ما جبلك ..

هذا لوجعه بقاياك..

سحرا تمدد بين ضلعيا..

وتوارا خلف سلم منزلك..

ترك لكى رسالة كل صباح وسافر ..

يشهد عليك السلم اللى مستنى خطوتنا..

تشهد عليك الشبابيك اللى فتحتيها علشاني ..

فى نص الليل وعز البرد ...

يشهد عليك محل الهدايا اللى على الناصيه...

وكشك الورد ..

تشهد عليك هدومك اللى قلتلك ما تلبسيهاش ...

تشهد عليك امتحناتي اللى علشانك مدخلتهاش..

تشهد عليك وتنى هوستن جورج مايكل عم شوقى بتاع الفطير ..

كيف يصير الحال كده ..

من الابتداء ..انا اللى غلطانلك..

وانا اللى محقوئلك...

وانا اللى دون الناس عشقتك ...

كنت عايش جوه صدرك حلم دافى...

كنت بنسى الناس واجيلك يوم معادك..

يكش حافى ...

كنت ابسط من البسيط...

واكتشفت ان فى هواكى...

كنت دون الناس عبيط ..