Leungoe oen kayee ka lon teupue cicem

Teu seunyoem jikhem ka lon tuhoe makna

Bak gob meu pakee jie galak keu pawang

Tanyoe nyang meuprang jie peugah droe panglima

Meuriri uroet jeut ta ikat beuntheung

Meuriri ureung jeut taboh keu raja

Bak kayee mate bek le ikat beuntheung

Bak yang koen ureung kaseb tabie duek raja

Taharap pageu keubeu lam padee

Keupue teuh jantong peu hancoe hatee

Jeut leumiek tanoh keubeu keumubang

Hancoe harapan tanyoe jie dusta

Lam geureupoh kaleuh ta peulheuh musang

Lam raga pisang katatiek tupee

Meumada sigoe bek le meu ulang

Kaseb hai rakan tanyoe jie tipee

Meuriri uroet jeut ta ikat beuntheung

Meuriri ureung jeut taboh keu raja

Bak kayee mate bek ta ikat beuntheung

Bak yang koen ureung kaseb tabie duek raja

Meunyoe na hai adoe gapeuh boeh panjoe

Keupue lom tabloe gapeuh di luwa

Meunyoe geutanyoe na pemimpin droe

Keupue teuh gob laen jak goek goek dada

Meunyoe hana parang bek taceumeucah

Meunyoe han meuphoem meubek tapeugah

Meubek tajueruet nyan buloeh beukah

Teusie jaroe bapak jie tubiet darah

Kaleuh ta seutot ka paduem thoen masa

Yang na keucewa koen lage harapan

Tapikee eungkoet lheuh taseut moen raya

Yang na meuruwa meusapat ngon uleu lha