രാഗം:സിന്ധുഭൈരവി

തെളിയാത്ത പേനകൊണ്ടെന്റെ

കൈവെള്ളയിൽ

എഴുതിയ ചിത്രങ്ങൾ മറന്നുപോയോ

തെളിയാത്ത പേനകൊണ്ടെന്റെ

കൈവെള്ളയിൽ

എഴുതിയ ചിത്രങ്ങൾ മറന്നുപോയോ

വടക്കിനിക്കോലായിൽ വിഷുവിളക്കറിയാതെ

ഞാൻ തന്ന കൈനീട്ടമോർമയില്ലേ

വിടപറഞ്ഞകന്നാലും മാടിമാടി വിളിക്കുന്നു

മനസ്സിലെ നൂറുനൂറു മയിൽപ്പീലികൾ

മറക്കുമോ നീയെന്റെ മൗനഗാനം

ഒരുനാളും നിലയ്ക്കാത്ത വേണുഗാനം