Aking nakikita lungkot sa iyong mata

Nararamdaman ko bigat ng 'yong dala

Mga munting hikbi at patak ng luha

Kapatid, alam kong ika'y may problema

Di mo man sabihin ang iyong tiisin

Di man bigkasin laman ng damdamin

Kahit na hindi ka laging dumadaing

Batid ko ang bigat ng 'yong dalahin

Sige lang, kapatid, h'wag kang mahihiya

Sa aking balikat, ipatak ang luha

Sasamahan kita hanggang magagawa

Tatawag sa Ama, hihingi ng awa

H'wag mong lilimutin, Ama'y mahabagin

Lahat ng mabuti, iniukol sa atin

Siya'y nakikinig sa ating dalangin

Kung tayo'y magkusa, magmasunurin

Sige lang, kapatid, h'wag kang mahihiya

Sa aking balikat, ipatak ang luha

Sasamahan kita hanggang magagawa

Tatawag sa Ama, hihingi ng awa

Kapatid, tandaan, 'di ka nag-iisa

Ang una sa lahat, nariyan ang Ama

Kasama si Hesus, ating sinisinta

Di tayo iiwan sa gitna ng dusa

Sige lang, kapatid, h'wag kang mahihiya

Sa aking balikat, ipatak ang luha

Sasamahan kita hanggang magagawa

Tatawag sa Ama, hihingi ng awa

Tawag sa Ama, hihingi ng awa