सबसे ऊंची प्रेम सगाई 2

दुर्योधन के मेवा त्याग्यो, 2

साग विदुर घर खाई

सबसे ऊंची प्रेम सगाई

जूठे फल शबरी के खाये, 2

बहु विधि स्वाद बताई

सबसे ऊंची प्रेम सगाई

राजसूय यज्ञ युधिष्ठिर कीन्हा, 2

तामे जूठ उठाई

सबसे ऊंची प्रेम सगाई

प्रेम के बस पारथ रथ हाँक्यो 2

भूल गये ठकुराई

सबसे ऊंची प्रेम सगाई

ऐसी प्रीत बढ़ी वृन्दावन, 2

गोपिन नाच नचाई

सबसे ऊंची प्रेम सगाई

प्रेम के बस नृप सेवा क़ीन्ही 2

आप बने हरि नाई

सबसे ऊंची प्रेम सगाई

सूर क्रूर एहि लायक नाहीं 2

केहि लगो करहुं बड़ाई

सबसे ऊंची प्रेम सगाई