مخبيالي ايه يا دنيا
في جرابك قوليلي
تعبت من مفاجأتك اتهد حيلي
عمالة تحطي فيا وفيا ليه تشيلي
ومن خبطة افوق ألاقي القاضية بتناديني
ومخبيالي ايه يا دنيا
في جرابك قوليلي
تعبت من مفاجأتك اتهد حيلي
عمالة تحطي فيا وفيا ليه تشيلي
ومن خبطة افوق ألاقي القاضية بتناديني
ما تخفي حبة
مدياني الوش ليه وعليا قالبة
كارهة ليا الراحة ليه وشقايا حابة
وكل ما افتح صفحة وياكي تقلبيها
وتقوليلي لو جدع مني استخبى
من طوب الارض بتحارب
وانا قد الحرب ومحارب
ومهما عدوي كان اقوى
لا انا خايف ولا هايب
لو وسط النار اجيب حقي
لا هفاصل فيه ولا هبقي
لو حتى الظلم لجمني
وفيا يا دنيا هتشقي
مش كله ضرب
واحدة واحدة خديني بالهداوة
انا اه شيال حمول
وكتفي واخد عالقساوة
بس انتي محبكاها ومعايا مزوداها
واديكي متقلاها عليا وبغباوة
ما تخفي حبة
هو انتي لازم كل جولة تكوني غالبة
خليني مرة اطلع جدع واضربلي ضربة
ولا هو انا واللي زيي عشان غلابة
حرام نعيش في دنيا كل اسودها سايدة
من طوب الارض بتحارب
وانا قد الحرب ومحارب
ومهما عدوي كان اقوى
لا انا خايف ولا هايب
لو وسط النار اجيب حقي
لا هفاصل فيه ولا هبقي
لو حتى الظلم لجمني
وفيا يا دنيا هتشقي
