koi jo mila to mujhe

aisa lagta tha jaise

meri saari duniyaa mein geeton ki rutt

aur rangon ki barkha hai

khushboo ki aandhi hai

mehki huyi si ab saari fizaayen hain

behki huyi si ab saari hawaayen hain

khoyi huyi si ab saari dishaayen hain

badli huyi si ab saari adaayen hain

jaagi umange hain dhadak raha hai dil

saanson mein toofan hain

honthon pe nagmen hain

aankhon mein sapne hain

sapnon mein beete huye

saare wo lamhe hain

jab koi aaya tha

nazron pe chhaaya tha

dil mein samaaya tha

kaise mein bataun tumhen

kaisa use paaya tha

pyaare se chehre pe

bikhri jo zulfen to aisa lagta tha

jaise kohre ke peechhe

ek oss mein dhula hua phool khila hai

jaise baadal mein

ek chaand chhupaa hai

aur jhaank raha hai

jaise raat ke parde mein

ek savera hai

roshan roshan aankhon mein

sapnon ka saagar jis mein

prem sitaaron ki chaadar

jaise chhalak rahi hai

lehron lehron baat karen

ho jaise moti barse

jaise kahin chaandi ki paayal goonje

jaise kahin sheeshe ke jaam gire

aur chhann se toote

jaise koi chhip ke sitaar bajaaye

jaise koi chandani raat mein gaaye

jaise koi haule se paas bulaaye

kaisi meethi baaten thi wo

kaisi mulaaqaten thi wo

jab maine jaana tha

nazron se kaise pighalte hain dil

aur aarzoo paati hain kaise manzil aur

kaise utarta hai chaand zameen par

kaise kabhi lagta hai swarg agar hai to

bas hai yahin par

usne bataaya mujhe aur samjhaya mujhe

hum jo mile hain humen

aise hi milna tha

gul jo khilen hain unhen

aise hi khilna tha

janmon ke bandhan janmon ke rishte hain

jab bhi hum janmen to hum

yun hi milte hain

kaanon mein mere jaise

shehad se ghulne lage

khaabon ke par jaise

aankhon mein udne lage

khaabon ki duniyaa bhi kitni haseen

aur kaisi rangeen thi

khaabon ki duniyaa jo kehne ko thi

par kahin bhi nahin thi

khaab jo toote mere aankh jo khuli meri

hosh jo aaya mujhe

maine dekha maine jaana

wo jo kabhi aaya tha

nazron pe chhaaya tha

dil mein samaaya tha

jaa bhi chuka hai aur

dil mera hai ab tanha tanha

naa to koi armaan hai

naa koi tamanna hai

ab naa koi sapna hai

ab jo meri din

aur ab jo meri raaten hain

unmen sirf aansun hain unn mein sirf

dard ki ranj ki baaten hain

aur fariyaaden hain

mera ab koi nahin

main hoon aur khoye huye

pyaar ki yaaden hain

main hoon aur khoye huye

pyaar ki yaaden hain

main hoon aur khoye huye

pyaar ki yaaden hain