*ତୋ ରଥ ଯାଉ ଗଡ଼ି, ମୋ ଦୁଃଖ ଯାଉ ସରି*

Lyricist - Saipada Brajamohan

କୋହରେ କୋହରେ ମୋହ ମରିଗଲା

ଦେହ ଦାହ ଖୋଜିଲାଣି,

ଭୋକରେ ଭୋକରେ ଭେକ ପଖାଳି ସେ

ନିଆଁ ନାଆ ଖୋଜିଲାଣି;

କୋହରେ କୋହରେ ମୋହ ମରିଗଲା

ଦେହ ଦାହ ଖୋଜିଲାଣି,

ଭୋକରେ ଭୋକରେ ଭେକ ପଖାଳି ସେ

ନିଆଁ ନାଆ ଖୋଜିଲାଣି;

ଲୁହରେ ଲୁହରେ ମୁହଁ ବତୁରିଲା

ଆଖି ନିଦ ଖୋଜିଲାଣି,

କାଳ ଅକାଳରେ ଖେଳ ସାରିଦେ ରେ

ବ୍ରହ୍ମ ନାଦ ଶୁଭିଲାଣି;

ଯିବି ତୋ ପାଖକୁ କାଳିଆ ଫେରି

ତୋ ରଥ ଯାଉ ଗଡ଼ି, ମୋ ଦୁଃଖ ଯାଉ ସରି ୧

ମୁଁ ମୁଁ କହି ମତି ଭ୍ରମ ହେଲା

ଘର ତୋଳିଲା ମୋ ଅହଙ୍କାର,

ମୋ କର୍ମରେ ଧରମକୁ ବିକି

ତୋ ଭାବରୁ ମୁଁ ହେଲି ଦୂର;

ଜାଣିଲି ଯେବେ ମୁଁ ମାୟା ସାଗରରେ

ତୁ ଏକା ବତୀ ଘର,

ନାନା ମୁନୀ ଦେଲେ ନାନା ମତ

କୋଉ ଠିକଣାରେ ଯିବି ତୋର ?

ନିଜେ ତୁ ନେଇଯା ମୋ ହାତ ଧରି

ତୋ ରଥ ଯାଉ ଗଡ଼ି, ମୋ ଦୁଃଖ ଯାଉ ସରି ୨

କି ସୁଖ ଏ ସମ୍ପର୍କ ବଢ଼ାଏ !

ଦୁଃଖ କରାଏ ସେ ସାତପର,

ମୋ ଭରମ ତୁଟିଗଲା ଯେବେ

ଫେରେଇ ଗଲେ ସବୁ ନଜର;

ନିଜର ବୋଲି ମୁଁ ତତେ ଭାବେ ଏବେ

ଆଶା କରିବୁନି ଦୂର,

ହାତ ବଢ଼େଇ ତୁ କୋଳେଇ ନେ ଆଜି,

କଣ୍ଠ ଭଜୁ ନାଆଁ ତୋର,

ଜଗତ ର ନାଥ କର ହେ ପାରି

ତୋ ରଥ ଯାଉ ଗଡ଼ି, ମୋ ଦୁଃଖ ଯାଉ ସରି ୩