Geet Ramayan
गीत ग. दि. माडगूळकर
संगीत सुधीर फडके
आकाशाशीं जडलें नातें धरणीमातेचें
स्वयंवर झालें सीतेचे 7
श्रीरामांनी सहज उचलिलें धनू शंकराचें
पूर्ण जाहले जनकनृपाच्या हेतु अंतरींचे
श्रीरामांनी सहज उचलिलें धनू शंकराचें
पूर्ण जाहले जनकनृपाच्या हेतु अंतरींचे
उभे ठाकलें भाग्य सांवळें
समोर दुहितेचें 2
स्वयंवर झालें सीतेचे 4
मुग्ध जानकी दुरुन न्याहळी राम धनुर्धारी
नयनांमाजी एकवटुनिया निजशक्ति सारी
मुग्ध जानकी दुरुन न्याहळी राम धनुर्धारी
नयनांमाजी एकवटुनिया निजशक्ति सारी
फुलुं लागलें फूल हळुं
हळू गालीं लज्जेचें 2
स्वयंवर झालें सीतेचे 4
उंचावुनिया जरा पापण्या पाहत ती राही
तडिताघातापरी भयंकर नाद तोंच होई
उंचावुनिया जरा पापण्या पाहत ती राही
तडिताघातापरी भयंकर नाद तोंच होई
श्रीरामांनीं केले तुकडे दोन धनुष्याचे 2
स्वयंवर झालें सीतेचे 4
झुकले थोडे राम, जानकी घाली वरमाला
गगनामाजीं देव करांनी करिती करताला
झुकले थोडे राम, जानकी घाली वरमाला
गगनामाजीं देव करांनी करिती करताला
त्यांच्या कानीं गजर
पोंचले मंगल वाद्यांचे 2
स्वयंवर झालें सीतेचे 4
अंश विष्णुचा राम sss
अंश विष्णुचा राम, धरेची
दुहिता ती सीता 2
गंधर्वांचे सूर लागले जयगीता गातां 2
आकाशाशीं जडलें नातें ऐसे धरणीचें 2
स्वयंवर झालें सीतेचे 4
