ខ្មៅអើយខ្មៅ
ប. ខ្មៅអើយខ្មៅ...
ស. បងថា អូននេះខ្មៅក្រងេះ
ខ្មៅអូននេះសូមបងកុំគិត
មិនមែនខ្មៅចិត្តឡើយណា
ខ្មៅអូននេះខ្មៅចេះសព្វ ទាំងឡាយយ៉ាង
បងអើយសំណាង បងសាងមកពីជាតិមុន
ខ្មៅដូចអូន ប៉ិនរែកប៉ិនពុន
វណ្ណះអធន ក៏ប៉ុន្តែមាំមួន
ស្រឡាញ់ថ្នម បងឯង ថែថួនជាងខ្លួន
បានអ្វីក៏ឲ្យមុន បងគង់ដឹងហើយ ចិត្តខ្មៅ
ថ្វីបើខ្មៅ តែអូនខ្មៅស្អាត
ខ្មៅតែសាច់ ចិត្តមានមារយាទ
មិនដែលព្យាបាទ អ្នកណា
ទៅនេះមកនោះ ងូតទឹកជម្រះ កាយា
បងអើយ មើលផងណា តើខ្មៅអូនស្រស់ឬទេ
ខ្មៅដូចអូន មិនចេះឈឺផ្ដាស
បងមើលឲ្យច្បាស់ គ្មានអ្វីគួរឲ្យ ខឹងទេ
ឬខឹងនឹងអូនចេះតែដើរ ដើរលេង
ឬខឹងនឹងអូនចេះតែដើរ ដើរលេង
ហើយចេាលបងឯង ចំបែងនៅតែផ្ទះ
... ភ្លេង ...
ស. ខ្មៅអើយខ្មៅ...
ប. អូនក៏ខ្មៅ បងក៏ខ្មៅក្រងេះ
ខ្មៅបងនេះសូមអូនកុំគិត
មិនមែនខ្មៅចិត្តឡើយណា
ខ្មៅយ៉ាងនេះ ចេះសព្វទាំងឡាយយ៉ាង
អូនអើយគឺសំណាង ខំសាងមកពីជាតិមុន
ខ្មៅដូចបង ប៉ិនរែកប៉ិនពុន
វណ្ណះអធន ក៏ប៉ុន្តែមាំមួន
ស្រឡាញ់ថ្នម អូនឯង ថែថួនជាងខ្លួន
បានអ្វីក៏ឲ្យមុន អូនគង់ដឹង ហើយចិត្តខ្មៅ
ថ្វីបើខ្មៅ តែបងខ្មៅស្អាត
ខ្មៅតែសាច់ ចិត្តមានមារយាទ
មិនដែលព្យាបាទ អ្នកណា
ទៅនេះមកនោះ ងូតទឹកជម្រះ កាយា
អូនជួយ មើលផងណា តើខ្មៅបងស្រស់ឬទេ
ខ្មៅដូចបង មិនចេះឈឺផ្ដាស
អូនមើលឲ្យច្បាស់ គ្មានអ្វីគួឲ្យ ខឹងទេ
ឬខឹងនឹងបងចេះតែដើរ ដើរលេង
ឬខឹងនឹងបងចេះតែដើរ ដើរលេង
ហើយចេាលអូនឯង ចំបែងនៅតែផ្ទះ
... Thank you ...
