خليني ف حضنك يا حبيبي
ده ف حضنك بهدى وبرتاح
أنا كل مشاعري معاك راحو
وكمان قلبي لقلبك راح
ولا بضحك وأفرح من قلبي
غير لو جمبي انا كانو عينيك
لو تبعد عني ولو ثانيه
بتجنن يا حبيبي عليك
وبتحلى الدنيا فـ عيني
وانا جمبك فا ماتبعدنيش
حبك فعلا بيخلينــــي
أتمسك بالدنيا وأعيش
وفـ قربك بيروح خوفي
وده وعد ومُلزم أنا بيه
مهما تكون يا حبيبي ظروفي
قلبك ..عمري ما هاجي عليه
⠿ ⠿الثالته شمال L³░
أنا مكسب عمري إني قابلتك
غيرت ف عيني الأيام
طمنتني ع الباقي ف عمري
حققتلي كل الأحلام
أول ما عيونك دي بشوفها
مش بعرف أشوف غيرها خلاص
إنت هدية ربنا ليا
إنت حبيبي وأغلى الناس
وبتحلى الدنيا فـ عيني
وانا جمبك فا ماتبعدنيش
حبك فعلا بيخلينــــي
أتمسك بالدنيا وأعيش
وفـ قربك بيروح خوفي
وده وعد ومُلزم أنا بيه
مهما تكون يا حبيبي ظروفي
قلبك ..عمري ما هاجي عليه
