نخبي ليه في أسرارنا وأنا وإنت مفيش غيرنا
ولو ننسى مشاعرنا نكلم مين يفكرنا
يا روح الروح بتنساني وأنا فاكر ومش نساي
تغيب عن عيني من ثاني ومن غير حب أعيش ازاي؟
ومهما تغيب بعيش وياك وأشوفك وردة في الشباك
ودمعة حب في عينيّ بتستناك يا أحلى ملاك
قالوا لي الحب له علامات في نبض القلب والهمسات
وروح بتطير تنادي عليك ورعشة إيدي في السلامات
والله العظيم بحبك
وأنا كمان بموت فيك
في عز سكوتنا نتكلم عيوننا بتحكي وبتحلم
وأنا حسيت بأنفاسك تدفي إيديا وتسلم
بقول لك آه ومن غير صوت تحبني موت وأحبك موت
وإحساسنا يونسنا وأقوى من الحياة والموت، ومهما تغيب
