Mir hei dr 26. März 1980
chummä uf d'Wäut mit viu Lärm ä uhuärä Sach
ha scho denn gwüsst wini muäss tuä dass äs jedä merkt
ha scho denn gwüsst dass i wirdä tuä dass äs jedä merkt
Cha mi nid drgägä wehrä, bi haut ä Schnurrisiäch
aber isch das nid di besti Vorussetzig für nä MC?
item, i ha einiges vor gha, scho aus chliinä
scheisse bouä und Böngli groucht ufäm Sportplatz
hei ou Sachä beschädigt, hei mit Dosä gspiut
när im Coop go Bier chlauä, später bsoffä am chiisä
Si mit frisiertä Töffli go börrä uf Landstrassä
wo dr niä wärdät fingä mit Navi oder Landchartä
ja mir hei tröimt vomä bessärä Läbä, obwou mr
Aus hei becho was dr chasch wünschä im Läbä
mä chönnt jetz sägä i heig Ziit verschwändet
aber aus bruucht sini Ziit und isch niä vergäbläch
Jedä geit si Wäg und chunnt scho guät
Mängisch isch dr Wäg läng und beschwärläch drzuä
Mä macht immerwieder fähler und lehrt när drus
Erfahrt immer wieder Schmärz und kurriert nä us
Weisch jedä geit si Wäg und chunnt scho guät
Mängisch isch dr Wäg läng und beschwärläch drzuä
Mä macht immerwieder fähler und lehrt när drus
Erfahrt immer wieder Schmärz und kurriert nä us
Scho näch dr Achtä mini Lehr aagfange immer Ärger ir Schuu
Bis mini Eutärä hei gfungä Buäb jetz lehrsch ä Bruäf
ha z'erschtä gnoh wo säch het aabottä und das ufäm bou
bi nächhär drü jahr dür d'Höu für mis Abschlussdiplom
aber i has düräzogä obwous nid eifach isch gsi
i derä Ziit d'Musig entdeckt und mini Liebi zu Beats
Ha afa Raps schriibä, dasch i dä Nünzger gsi
wär hät dänk dass 10 Jahr später mis Solo-Aubum erschiint
Aber isch ja gliich, ha ja vorhär scho Releases gha
Konzärt ir ganzä Schwiiz und ä Vertriibsvertrag
Hankherum arbeitslos und vertieft i dä Tröim
Ha mr vorgmacht aus sig guät ou wenn niemer säch fröit
Bi uf d'Wäut cho wienä Sou und ha viu müässä Lehrä
Doch jedä Schmärz het si zwäck und isch irgendwie ehrläch
i luägä zrügg uf di Ziit mimmnä guätä Gfüäu
ha ke Frust und kes Ziu bliibt lang unerfüut
Weisch jedä geit si Wäg und chunnt scho guät
Mängisch isch dr Wäg läng und beschwärläch drzuä
Mä macht immerwieder fähler und lehrt när drus
Erfahrt immer wieder Schmärz und kurriert nä us
Weisch jedä geit si Wäg und chunnt scho guät
Mängisch isch dr Wäg läng und beschwärläch drzuä
Mä macht immerwieder fähler und lehrt när drus
Erfahrt immer wieder Schmärz und kurriert nä us
I mein' wär zwiiflet scho nid?
Aber Wüsse isch verchnüpft mir Erfahrig
s'isch nur ä Frag vo dr Ziit und öb'd für das scho parat bisch
und nei weisch äs git kes Rezäpt, egau was si sägä
wöu du findsch d'Lösig i dir und nid i heiligä Värsä
Mir wärdä zwar immer Euter aber nid unbedingt gschiider
Erläbä immer dr gliich Shit bis mrs cheggä u schiäbä
Verdrängä üsi Bedürftnis und d'Realität
vertriibä üs D'Ziit mit irgend'mä Scheiss
vergässä gärn wär mr si und wärdä nächhär wieder errinnert
was üs oft weh tuät, aber das het scho si Sinn
versteckt säch gärn hinger Prinzipiä u Maskä
luägä gärn wäg bi üsnä Fähler und Mackä
ha ou nid unbedingt ä wiisi Westä
ha o immerwiedr mini Krisäherdä
aber i luägä vorwärts u nimmäs wies chunnt
u regä mi nid uf, äs git ja ke Grund, i meinä
Jedä geit si Wäg und chunnt scho guät
Mängisch isch dr Wäg läng und beschwärläch drzuä
Mä macht immerwieder fähler und lehrt när drus
Erfahrt immer wieder Schmärz und kurriert nä us
Weisch jedä geit si Wäg und chunnt scho guät
Mängisch isch dr Wäg läng und beschwärläch drzuä
Mä macht immerwieder fähler und lehrt när drus
Erfahrt immer wieder Schmärz und kurriert nä us
