နှင်းဆီမလေး ချစ်ပုံပြင်
ဘာဘရာ
ဘယ်အတွက်ရယ်များ
ဆူးတွေခြံရံထား
မလေးစံပယ်အား
ပြောပါလား
မမနှင်းဆီပန်းရယ်
မေးပါရစေလား
လောကရဲ့ ချစ်ဝဲသံသရာ
အလှအပစုဝေးရာ
ချစ်စွာသောကမ္ဘာ
ဘာရယ်ကြောင့်များ
သဘာထားအမှန်တရား
ညှာကွယ်မထောက်ထား
ပြောစမ်းပါလား
ပွင့်နီဝါအရောင်အသွေး
ရမက်သွေးဖိုစရာ
လှလိုက်တာ လှလိုက်တာ
သို့သော်ငြား ဆူးခက်တွေမနီးမဝေး
ထွေးပိုက်လို့ထား
မမနှင်းဆီနီလေး
အကျည်းတန်သွား
ဘယ်အတွက်ရယ်များ
ဆူးတွေခြံရံထား
မလေး စံပယ်အား ပြောပါလား
မမနှင်းဆီပန်းရယ်
မေးလိုက်သောအခါ
ညီမငယ်ထွေး
စံပယ်လေးနုနုထွေးရယ်
အလှလည်းကြွယ်သော
ချစ်စရာကမ္ဘာလေးမှာ
အကျည်းတန်သောသဘောတွေမြင်လိမ့်မယ်
ဘဝင်သိမ့်သိမ့်
ရင်ငြိမ့်ငြိမ့် စိမ့်လေသော
စမ်းရေလေးစီးသည့်နှယ်
သာတဲ့အခါ သာလိမ့်မယ်
ခြောက်သွေ့သောနွေလမ်းကိုလည်း
လျှောက်ရလိမ့်မယ်
အချစ်ရဲ့သည်သဘော
ဖြောင့်တန်းကွေ့ကောက်
သွေ့ခြောက်စိုပြေ
ငိုမပြေ ရယ်မပျက်
ဆန့်ကျင်ဘက်
သည်သဘောတွေ့ရလိမ့်ဦးမယ်
နှင်းဆီနီနက်ဆူးခက်ဝေဆာ
အကျည်းတန်တာကြောင့်ကွယ်
အချစ်ရေးနယ်ပယ်
အသွယ်သွယ်သောအရေးမှ
မင်းထက်စာရင်
ကင်းဝေးပါသေးတယ်
ညီမငယ်ထွေး
စံပယ်လေးနုနုထွေးရယ်
အလှလည်းကြွယ်သော
ချစ်စရာကမ္ဘာလေးမှာ
အကျည်းတန်သောသဘောတွေမြင်လိမ့်မယ်
ဘဝင်သိမ့်သိမ့်
ရင်ငြိမ့်ငြိမ့် စိမ့်လေသော
စမ်းရေလေးစီးသည့်နှယ်
သာတဲ့အခါ သာလိမ့်မယ်
ခြောက်သွေ့သောနွေလမ်းကိုလည်း
လျှောက်ရလိမ့်မယ်
အချစ်ရဲ့သည်သဘော
ဖြောင့်တန်းကွေ့ကောက်
သွေ့ခြောက်စိုပြေ
ငိုမပြေ ရယ်မပျက်
ဆန့်ကျင်ဘက်သည်သဘောတွေ့ရလိမ့်ဦးမယ်
နှင်းဆီနီနက်ဆူးခက်ဝေဆာ
အကြည်းတန်တာကြောင့်ကွယ်
အချစ်ရေးနယ်ပယ်
အသွယ်သွယ်သောအရေးမှ
မင်းထက်စာရင်
ကင်းဝေးပါသေးတယ်
အချစ်ဆိုသော
အဖြေမရှိသည့် ထိုအရာရယ်
အပေါ်ယံကြော
မဖြစ်တဲ့
တော်မှန်သော
အချစ်နဲ့
နှင်းဆီပန်းကို
နမ်းလာလှည့်ပါ
ဆူးခက်လေးတွေ
အဆိပ်ပယ်စေရပါမယ်
