♩𝕄𝕆𝕎🦩|❆
للغروب بوسط قلبي ذكريات
ما تناساها الخفوق .. ولا نساها
لي معاها قبل ما تغرب حياة
واغرقت شمس المحبه في مساها
أسأل الأيام عنها: كيف جات؟
وكيف راحت والزمن كيف انتساها
من يجمّعني بعد هذا الشتات؟
أو يواسيني .. ويهديني وساها
يا عيون الشوق وين الأمنيات
يا عساها بداخل عيونك عساها
هل هي تذكرني أو ان الشوق مات؟
أو زمان الصمت بالقسوه كساها
تهت في بحر الشعر .. والأغنيات
لا معي مينا .. ولا قلبي رساها
جيت أدوّر في رفوف الذكريات
ما لقيت الاّ من الذكرى صداها
للغروب بوسط قلبي ذكريات
ما تناساها الخفوق .. ولا نساها
لي معاها قبل ما تغرب حياة
واغرقت شمس المحبه في مساها
♩𝕄𝕆𝕎🦩|❆
