رفعها
ELARABY
خدنا أجازه خدنا أجازه خدنا أجازه
والأجزات أيام ممتازه خدنا أجازه
خدنا أجازه خدنا أجازه خدنا أجازه
والأجزات أيام ممتازه خدنا أجازه
بتفسحنا
وتريحنا
بتفسحنا
وتريحنا
من هؤلاء وتلك وهذا
خدنا أجازه
عايزه اسئلكو
لماذا لماذا إحنا لماذا أخدنا أجازه
عايزه اسئلكو
لماذا لماذا إحنا لماذا أخدنا أجازه
ونقضيها ف إيه وف إيه
تبقي بفايده وفيها لذاذه
ونقضيها ف إيه وف إيه
تبقي بفايده وفيها لذاذه
قولوا لماذا
مش ناقصين أسئله ومتاعب
طول السنه نسأل ونجاوب
تحريريه علي شفويه
كهربائيه علي مدنيه
معماريه علي طبيعيه
ميكانيكيه علي كيماويه
جغرافيه علي تاريخيه هندسيه علي عمليه
حيلكم حيلكم إهدو شويه
دي مسئله كده اهو وديه
واللي يجاوب أجيبله هديه
إن كان كده نسمع أسئلتك
ونجاوب علي كل لماذا
ونسميكي كمان أستاذه
إنت يهاذا؟!
قولي لماذا أخدت أجازه؟
رد ياكرشو عالأستاذه
هيا دي ياختي عايزه سؤال
دي مسأله سهله ومعروفه
علشان طبعا ألاقي مجال
تشبعو فيه بطني الملهوفه
حلة محشي
فول وبطاطس
شوربة فارخه
أروح فيها غاطس
والتسقيه
ااه
والملوخيه
ااااه
ألماظيه
اااااه
مشمشيه
علشان هذا أخدت أجازه
دا كلام بردو يصح تقولوا مانتش عارف
لع مش عارف
كتر الأكل دا ايه مفعوله مانتش عارف
لع ماخبرش
تعيا وترقد ف المستشفي عالمسلوق واللقمه الناشفه
تعيا وترقد ف المستشفي عالمسلوق واللقمه الناشفه
وقليل ان مانتهي بجنازه
بقي بالذمه دي تبقي أجازه
وانت يهاذا قولي لماذا أخدت أجازه
رد يانبغا عالأستاذه
أنا قريت في مجله ريفيه
تصدر في أمريكا اللتينيه
إيه اللي أريته؟؟
كل أجازه تكون صيفيه أو لو حتي كانت مرضيه
أققضيها في بحوث علميه
وقراءه وعبقره عقليه
ماذا وإلا راح هبقي بهيم
هيم هيم
يبقي غذائي من البرسيم
ماذا والا هيبقي بهيم
بهييم بهييم
يبقي غذاءه من البرسيم
هأاا هأااا
وانا مش عاوز إلا وماذا
علشان هذا خدت أجازه
وانا مش عاوز إلا وماذا
علشان هذا أخدت أجازه
أنا عارفه انك كداب
وثقافتك دي خرافيه
وتملي ماسيكلي كتاب
عامله إثبات شخصيه
أنا عارفه انك كداب
أنا
وثقافتك دي خرافيه
ياخبر
وتملي ماسيكلي كتاب
عامله إثبات شخصيه
تقرا ولاتفهم ايه مكتوب
إكمنك ماسكو بالمقلوب
تقرا ولاتفهم ايه مكتوب
كده بردو
إكمنك ماسكو بالمقلوب
إخص
وواخدها وجاهه
وفاكرها نباهه
وانت وحق نبوغك هذا عقلك طول السنه في أجازه
وانت ياهذا
قولي لماذا
خدت أجازه
رد ينايم عالأستاذه
ناوي أسيب النوم وأصحصح
بعد مانمت ليالي طويله
أعمل كده حبيب واتلحلح
كل ماشوف أموره جميله
مره اتنهد
اه
مره أصفر
واعمل انها فيها بفكر
وابلف فيها
واحلف ليها
وابلف فيها واحلف ليها
إن بقينا روحين في إزازه
علشان هذا أخدت أجازه
تبقي أجازتك هتقضيها
في التخشيبه
علشان جبت لنفسك فيها
ياحلو مصيبه
يحلقوا راسك حتة حلقه
غير ما أبوها يرنك علقه
يحلقوا راسك حتة حلقه
غير ما أبوها يرنك علقه
أو تنتهي مسكين بجوازه
بقي بالذمه دي تبقي أجازه
وانت يهاذا قولي لماذا خدت أجازه
رد ياجن عالأستاذه
أنا هتكلم كلمتين ومش عاوز لماضه
ياسلام
أحسن وقتي بقضيه ف الرياضه
لأن العقل السليم في الجسم السليم
أي والله في الجسم السليم
وأنا زملكاوي قديم
وأهلاوي صميم
مييم. ميم
واحب عبده نصحي واشجع صالح سليم
وشمال ويمين
ويمين وشمال
ألعب ملاكمه
وارفع أثقال
واركب مراجيح
وأنط حبال
واركب مراجيح
وأنط حبال
واعوم 100 كيلو
وأعدي جبال
لا اقعد في قعده
أي والله
لاقعد في قاعده ولا اشرب إزازه
وبهذا تبقي الأجازه أخر لذاذه
كلكو ساقطين
لم ينجح أحد
إجابتكم غلط
وعقولكم ظلط
خيبتم خيبه كامله لم تأتي لأحد
إحنا مش لازم نضيع وقتنا
الأجازه لابد منها نستفيد
نعتبرها كأي ماده عندنا
دي خساره تضيع في حاجه لا تفيد
وف جزء منها نستريح
الراحه بالمعني الصحيح
ومن راحتنا نستمد
النشاط ونستعد
للدراسه الجايه في العام الجديد
صح يارجال
أيوه صح
والسته ف سته بسته وتلاتين
والسته ف سبعه ياروحي ب اتنين واربعين
والسته ف سته بسته وتلاتين
والسته ف سبعه ياعيني ب اتنين واربعين
أكوزا كوستفياسكا دلوني علي السبيل
أكوزا كوستفياسكا دلوني علي السبيل
أكوزا كوستفياسكا دلوني علي السبيل
أكوزا كوستفياسكا دلوني علي السبيل
أكوزا كوستفياسكا دلوني علي السبيل
أكوزا كوستفياسكا دلوني علي السبيل
